Page 5 - HOH

4 LOCAL
“Muri wak ken ta yora”:
Ora e manipuladonan di Aruba ta hunga victima
NA Aruba nos tin un frase perfecto pa e tipo di
persona aki: “Muri wak ken ta yora.” Narcistanan
ta uza e tactica aki manera oxigeno — e ta nan
forma di manipulacion di mas poderoso. Y bo ta
mir’e den famia-, den relacion-, den circulo- di
trabou, y hasta den politicanan of negoshi. Nan
ta ataca, nan ta sabotia, nan ta traiciona, nan
AWEMainta Diahuebs, 6 November 2025
ta destabilisa... y secondenan despues nan ta colapsa den un plas di
lagrima y curason kibra pa gana simpatia. Y e pio parti? Hende ta cay
p’e. Cada bes mas.
Narcistanan ta odia responsabilidad. Pues nan ta uza sufrimento
como un arma.
P’esey nos ta mira individuonan cu ta “retira” dramaticamente y despues
keto keto ta bolbe bek. Of un hende cu ta “stop” publicamente, ta ricibi
atencion y lastima... y despues ta “bolbe” como si fuera nada no a pasa.
Esaki no ta confusion. Esaki ta strategia. E ta un grito pa simpatia. E ta
un palanca emocional. E ta un tactica di negociacion. E ta un manera pa
sacudi e ambiente, pa pone hende drenta panico, pa pone hende sinti
nan culpabel, y despues bolbe cu mas poder. Pasobra una bes cu hende
cuminsa roga nan pa bolbe — awor nan ta doño di e situacion.
E rutina di “Mi ta bayendo” → “No, warda, kisas mi ta bolbe” no ta falta
di madurez. E ta manipulacion. Y Aruba ta mirando un aumento den e
tactica aki. Hende den varios campo — negoshi, media, entretenimento,
medionan social, hasta politica — ta uza salidanan dramatico pa crea
presion emocional y influencia. Diripiente hende ta cuminsa bisa “No,
no bay, nos mester di bo.” Y esey ta exactamente loke nan tabata kier.
Nan no tabata kier a bay nunca.
Nan tabata kier control.
Un narcista nunca ta e malo den su propio storia — semper e ta e heroe
malcomprondi cu ta ser maltrata. Nan ta crea caos, anto despues nan
ta yora tocante con nan ta wordo maltrata pa e caos cu NAN a causa.
Y ora nan hunga victima, nan ta haya loke nan kier: atencion, simpatia,
sosten, y mas importante, un herment pa evita responsabilidad.
Nan lo hasta cambia e storia. Nan lo bisa “Nan a forsami bay,” of “Hende
no a balorami.” Nota con semper nan ta esun herida. Semper sufriendo.
Semper perhudica pa un otro hende. Esey ta e gancho. Narcistanan no
ta discuti logica — nan ta discuti emocion. Pasobra emocion ta mas
facil pa manipula.
Y e hendenan rond di nan? Hopi tin asina tanto miedo di wordo tilda
como “esun malo” cu nan ta purba di no confronta e berdad. Nan ta
normalisa e manipulacion.
Nos mester stop di premia e comportacion aki.
Un persona cu ta yora cada biaha cu consecuencia aparece no ta un
victima — e ta un manipulado purbando di scapa di responsabilidad.
Un persona cu ta stop y bolbe repetidamente no ta confundi — e ta
piscando pa poder. Un persona cu ta destrui y despues ta exigi simpatia
no ta fragil — e ta peligroso.