Page 39 - min.ttc july 10

Arubus a dicidi pa sigui core pa Baby Beach

Publication: Friday, 10 July 2015. Categoria: General

Ministro a pidi Arubus reconsidera

ORANJESTAD (AAN): Despues cu e informe a sali den DIARIO relaciona cu e hecho cu
Arubus a dicidi pa stop di core pa Baby Beach, a drenta reaccion.

Arubus mes riba Diahuebs a core manda un boletin nobo, indicando cu despues di
deliberacionnan y riba peticion di Minister di Transporte Otmar Oduber, e ruta cu Arubus ta
cubri pa y for di Baby Beach lo continua.

E decision aki a worde tuma mirando e desaroyonan cu ta den realizacion y lo continua pa cu e
area di San Nicolas. E desaroyonan aki lo trece cu nan un mayor fluho di persona pa e parti
pariba di nos isla y cu posibilidadnan di expansion tambe.

Mientras tanto, e cambio di ruta y frecuencianan anuncia den e comunicado di prensa anterior pa
loke ta Sabana Basora y zona hotelero ta continua entrante 12 di juli, 2015.

Arubus ta pidi pa tur nos usuarionan tuma bon nota di e cambionan aki y tambe cu tur hende por
tene bon na cuenta cu lo bay tin algun bus menos riba rutanan cu a worde menciona aki. Di awor
caba nos disculpa pa cualkier inconveniencia cu esaki por trece cu ne.

http://www.diario.aw/2015/07/arubus-a-dicidi-pa-sigui-core-pa-baby-beach/