Page 15 - AAA
P. 15
4 AWEMainta Diabierna, 20 October 2017
Depende di e proceso di registracion di e avion E siman aki, e avion nobo di Divi Divi Air a
Divi Divi Air ta cla pa bula pa Aruba baha pa prome biaha na Hato, Corsou y a ser
recibi cu tur ceremonia corespondiente. Ta trata
aki di un avion Havilland DHC-6-300 (Twin
Otter) y ta intencion di e compania pa cuminsa
bula pa Aruba tambe.
Di e forma aki, por bisa cu Divi Divi Air tambe
ta uni su mes n’e competencia cu tin, pasobra
te awor ta InselAir so tabata dunando servicio
n’e islanan ABC, pero pagando un tarifa masha
halto, pasobra no tin otro.
Siman benidero, Aruba Airlines no cuminsa
bula pa Corsou, sigui pa Bonaire, mientras cu
Divi Divi Air tambe a anuncia di lo bula mesun
ruta aki, unabes cu e proceso di registracion di
e avion ta cla.
Esaki ta mesun tipo di avion cu Windward Is-
land Airways (Winair) ta bulando entre islanan
ariba.
Divi Divi tin dia 1 di november awor como e
fecha pa cuminsa bula pa Aruba. Actualmente
Divi Divi ta bulando minimo 6 buelo pa siman
entre Corsou y Bonaire.
E avion aki tin un capacidad di 19 pasahero,
pa cual sigur tin demanda. Divi Divi ta un
compania cu a ser funda na 2000 y t’e mihor
conexion aereo cu tin entre Corsou y Bonaire
y proximamente pa Aruba tambe.
Manera menciona, banda di InselAir, dia 25
awor Aruba Airlines lo cuminsa duna servicio
riba mesun rutanan aki, pero no lubida cu reci-
entemente Corte a anula e bancarota di Tiara
Air, cu ta pensa atrobe di bula entre e islanan
ABC y pa Venezuela. Pues conexion lo tin sufi-
ciente, loke sigur mester yuda den baha e tarifa
cu tin aworaki.
Corte di Prome Instancia tin pa trata e.o. awe
Caso di asesinato na Yaburibari
Horario Sospechoso Acto Castigabel
08.15 I.A.G.L. Pro forma. G.L. ta wordo acusa di posesion di un revolver y un pistool y balanan riba 7 di juli 2017.
08.30 R.v.d.H. Caso militar. V.d.H. ta wordo acusa di estafa riba 28 di februari 2017.
09.00 J.E.D. D. ta wordo acusa di ladronicia riba 9 di maart 2017 y di bende cosnan horta riba 26 di december
2016.
10.00 M.T.G. G. ta wordo acusa di a, intencionalmente y cu premeditacion, tuma bida di un persona riba prome di
mei 2017, dor di tire cu un arma di candela. E ta wordo acusa di posesion di dos arma di candela y
bala riba prome di mei 2017.
AWE e sospechoso M.T.G. di nacionalidad Canades, lo presenta dilanti di mesa berde, acusa di a tira un persona mata riba 30 di
april di e aña aki. Tabata un caso cu a lanta basta stof na Aruba. Esaki a tuma lugar den un cas na Yaburibari, pa cual te awe tin masha
pregunta sin haya contesta.
