Page 53 - HOSPITAAL

Casi 15 aña pasa su persona hunto cu dr. Van Gaalen a aserca Gobierno pa pone Cuido Psikiatrico
den un bachi nobo, pa di e forma aki brinda un miho servicio na comunidad di Aruba. Y awo e deseo
aki a bira realidad.

Via di e fundacion RESPALDO, e sistema di servicio di Cuido Psikiatrico ta wordo mehora.

PAAZ ta keda habri manera semper, ya cu e traspaso ta uno administrativo, unda cu e Instituto
Psikiatrico ta bay ta encarga cu ehecuta tur e trabounan cu tin di haber cu e sector aki. HOH ta keda

responsabel na final di dia.

E instituto nobo aki ta bay wordo maneha door di dokter van Gaalen, kende tin basta experiencia riba
e tereno di cuido psikiatrico na Aruba. El a splica den su discurso cu esaki tabata un mehoracion cu
tabata necesario pa hopi aña caba mirando cu Aruba a keda atras compara cu por ehempel Corsou.

Den e bachi nobo, e parti di servicio ambulatorio, pafo di PAAZ, ta bay haya mas atencion. Aworaki
PAAZ cu ta conta cu 40 cama, probablemente mester bira un tiki mas grandi. Pero esaki ta algo cu
mester dicidi ainda riba dje, mescos tambe si ta bay haci e renobacion of construi un edificio nobo di

biaha. Tambe Gobierno mester bay dicidi si e tarea di SPD ta bay cay bou di PAAZ, manera cu e ta
poni den e plan, of e departamento completo ta bay cay bou di e Instituto nobo aki.