Page 55 - HOSPITAAL

Ta asina cu comienso di aña, e cantidad di embaraso no tabata asina halto. Ta contento

cun’e. Pa luna, si haya un of dos of tres, e tabata un bon señal. Despues di vakantie

grandi, e piek a subi. Ta bisa cu e cantidad a bira hopi. Te cu Juli e tabata ongeveer 40 y

diripente a bin 30 acerca den un periodo hopi cortico. Te cu awor aki tin 87 tiener cu a

haya yiu registra y esey pa WGK, falta un paar di siman mas, tres siman mas of menos,

cu e keda te eynan, pa asina baha bao di 92, compara cu aña pasa.

Si mira e bario cu ta bin cu e cantidad di embaraso mas halto, te cu awor aki ta Santa

Cruz. Pa algun aña caba, Santa Cruz tin e cantidad di embaraso mas halto, cual ta un

punto di atencion pa WGK y kico ta bay haci cun’e of kico ta bay brainstorm pa haci cu e

parti aki otro aña.

Importante ta pa trece kico a señala durante aña, e problemanan cu a bin mas padilanti

cerca tiener, ora cu nan ta tiener. Pero tambe ora cu despues cu nan haya yiu. Ora cu nan

ta na estado, ta duna nan e guia. Bo ta cuminsa señala problemanan, bo ta cuminsa traha

na e problemanan. Pero ora cu e yiu bin, e ora problemanan ta bira mas grandi.

Locual cu a señala e aña aki ta, cu e parti financiero ta keda un problema den sentido cu e

prome necesidadnan cu ta di un baby cu ta e parti di lechi. Naturalmente ta keda promove

e parti di dunamento di pecho pasobra e ta gratis. Pero ora cu nan ta bay scol, nan no ta

haya e parti of e oportunidad pa kolf. Of e parti cu bo ta haya muchanan ta cansa hopi

lihe di esey y nan ta stop cu e dunamento di pecho y ta bay over na boter. Eynan e

problema ta cuminsa pasobra e ora ey, no tin placa pa cumpra lechi.

E parti aki a señala un cantidad basta grandi. No tin’e registra den cifra ainda.