Page 56 - HOSPITAAL

Un otro problema cu a señala, cu a wak cerca tiener, cu e aña aki a haya algun tiener cu ta

menor di edad, cu tin un of otro malesa transmiti sexualmente. Esaki ta un punto di

atencion na WGK. Kico ta bay haci cu esaki otro aña, con ta bay traha nan programa di

prevension, of con ta bay coach e tienernan cu ya ta cuminsa na edad hopi hoben cu e

parti di sexualidad activo y kico cu ta bay duna como guia na e mayornan. Un mucha di

12 of 13 aña ta un mucha ainda. Ora cu bo wak cu nan tin un malesa, con nan a yega

asina leu. E parti aki tambe ta hopi importante pasobra ora bo tende e casonan con un
mucha di 12 of 13 aña a bin cu un malesa, e ta hopi tristo pa tende. Pesey tambe ta

importante pa mayornan ta na altura pasobra un mucha di 12 of 13 aña mester di e guia y

tambe e parti cu di mayornan. Ora cu ta mira bo yiu ta cu un mucha homber of e tin un

amigo y e tin 12 of 13 aña, wak bon ken e ta, papia hopi cu e yiu. No ta facil, pasobra ora

cu e mucha drenta, si mira e situacion, muchanan drenta den nan puberdad, e ora e

muchanan ta bay rebeldia. Si bay bisa e mucha no, e ta bay rebeldia y toch e ta bay topa

cu e mucha homber aki scondi. E ora e consecuencianan ta bin. Esey a señala hopi e aña

aki. Tambe e parti financiero, pero tambe e parti di anticonceptivo cu e muchanan. E

muchanan sa cu tin un famia planea. Nan sa cu tin e parti di anticonceptivo, pero e parti

pa yega eynan, hopi biaha nan ta duna cu esey ta dificil pasobra si nan ta 12 of 13 of

hasta 14 aña nan ta menor di edad y mester permiso di nan mayornan. Eynan hopi biaha,
ora cu bo ta wak un mucha ta acerca cu e kier cuminsa cu e hangua, si e tin 12 of 13 aña

bo no por yega prik’e zomaar. Bo mester di e permiso di e mayornan. Nan mester haya

informacion. E parti tambe cu a resalta tambe e aña aki, ta e morning after pill, cu e

muchanan ta kere, cu e fin di siman nan a tene un relacion iresponsabel, nan ta bay busca

e morning afterpill, despues di dos of tres dia, keriendo cu esey lo proteha nan. Ya caba

bo por ta na estado y por haya casonan asina. Ora cu ta bay yega asina leu, busca e

informacion pa por tin’e corecto, pasobra e por trece consecuencianan p’abo.