Page 52 - MIN ON OCT 19, 2015

Como 59% mucha muher ta termento mientras cu mucha
homber ta 53%!

Publication: Monday, 19 October 2015. Categoria: General

Segun cifranan di investigacion:

ORANJESTAD (AAN) – Fundacion pa Nos Muchanan lo sigui duna charla pa mayornan y na
scolnan, pasobra aworaki e profesionalnan ta hayando hopi mas informacion encuanto termento.

Asina sra. Caroline Martes, di Fundacion pa Nos Muchanan a señala den conferencia di prensa
relaciona cu e “Anti-Bullying” Convention, diadomingo awor.

Educacion den esaki ta vita. Un mucha no tal anta di un dia pa otro dicidi cu e ta bira un terdo of
un victima. Pero e grupo unda cu e ta den dje, e por confronta cosnan sea paden of sea pafo di
cas.

Por ehemplo, si un mucha ta lantando den un cas unda cu abuso verbal ta wordo uza, cu
palabranan mahos pa otro, of tin violencia, e mucha ey ya caba ta victima di algo, y e rabia cu e
ta “aumenta” pa motibo cu e ta indefenso, ta bay sali afo di un of otro manera, por ehemplo
bah’e riba otro mucha cu ta mas debil cune.

Tin cifranan cu ta mustra por ehemplo, e diferencia entre e muchanan muher y muchanan
homber cu ta ter. Mucha muher ta 59 porciento, mientras mucha homber ta 53 porciento.

Tambe ta asina cu den e encuesta (CBS/CEDEAruba) 25 porciento di e muchanan cu ta indica cu
nan a pasa den bullying ta bisa cu un adulto casi nunca a yuda nan. Esaki ta indica cu e adultonan
no sa con pa yuda of no ta conciente di e situacion, of no ta paga tino.

E muchanan sa precies ken ta e terdo y ken ta e victima, y por ripara cu tur hende ta conciente di
dje, pero no mucho ta wordo haci.

Akinan e fundacion kier yega cu e convencion, pa mustra cu si tin manera pa cambia y cu tin
maneranan pa yuda e victima pero tambe e victimario, pasobra e tambe por ta victima di algo
otro. Esaki no kiermen trapa riba dje pero dune un advertencia pa mustre cu su comportacion ta
afecta otro mucha, y cu e mester di ayudo. Por ehemplo, si e mester skirbi tareanan tocante
locual e ta haciendo, pa duna un presentacion dilanti klas. Tin diferente formula cu scolnan ta
usando pero FPNM kier bay un tiki mas amplio, y duna tur e informacion aki, y cu e bira algo
fiho den nan curiculo, kiermen no algo incidental ora di topa cu algun caso, sino cu e tema keda
riba agenda pa preveni y yuda e mayor y tambe e yiu bira resistente, no solamente riba termento
pero tambe cualkier otro amenaza cu por yega cerca dje.

http://www.diario.aw/2015/10/como-59-mucha-muher-ta-termento-mientras-cu-mucha-homber-ta-
53/