Page 55 - MIN ON OCT 19, 2015

Un era nobo den enseñanza a inicia

Publication: Monday, 19 October 2015. Categoria: General

Minister Michelle Hooyboer-Winklaar na ocasion di Apertura di Kerndoelen Rekenen en
Wiskunde:

ORANJESTAD (AAN): Aruba ta haciendo un “inhaalslag” grandi, cu pasonan midi, riba tereno
di enseñansa pa cu contenido. Como un di su metanan principal, Minister di Enseñansa Michelle
Hooyboer-Winklaar a pone pa cumpli cu e introduccion di “kerndoelen”, , esta metanan nucleo.

Consecuentemente, y tumando na cuenta e resultadonan di un sondeo haci pa Centraal Bureau
Statistiek na aña 2012, a dicidi pa cuminsa cu e materia “rekenen/wiskunde”.

Lunanan di trabao intensivo, a resulta den dos documento importante cu ta wordo introduci e
dianan aki na tur docente di kleuter y basisschoolnan, como tambe e directiva y teamnan di
apoyo di cada scol cu workshopnan. E kerndoelen y kerndoelenwerkdocument ta inclui tur
informacion cu e scolnan mester sa, te den detaye di klas pa klas, pa realisa e nivel minimo di
conocemento y habilidadnan di diferente topico di matematica pa un bon transicion di e alumno
for di basisschool pa scol secundario.

Minister Hooyboer-Winklaar a splica cu e kerndoelen, esta metanan nucleo ta e standardnan
minimo cu scolnan basico y den cada aña di scol basico ta necesario pa un mucha sa y sa con pa
haci. Esaki ta garantisa cu na fin di e carera di scol basico tur hoben ta riba e mesun nivel, en
general e kerndoelen ta garantisa cu tur standarnan ta igual na cualkier scol na Aruba.

Cu e kerndoelen Aruba lo tin un nivel nacional di standardnan minimo pa scolnan basico cu ta
cuminsa caba den kleuter cu introduccion di cierto elementonan. E teamnan di tur scol
preparatorio a atende e tayernan hunto riba diaranson caba y a haya e oportunidad amplio pa
discuti tur e topiconan y temanan di interes pa cu e preparacion di nan muchanan.

Lo tin tambe diferente momento di “toetsing” pa cu e kerndoelen. E mandatario a agrega cu cada
scol ta keda cu e espacio pa scoge su bukinan, metodologia y e forma cu nan kier trece e lesnan
padilanti. Loke ta wordo stipula na nivel nacional, ta Kiko ta e conocemento cu nos kier pa nos
studiantenan san a e momento cu nan ta drenta scol secundario.

“Loke Kerndoelen ta haci ta minimalisa cualquier discrepancia cu por tin entre studiantenen
simplemente nan a bai scol A en bez di scol B. Semper lo keda variación entre nos studiantenan
pa loke ta trata diferente vak. Cada studiante ta diferente, y tin cu lo domina idioma mas, y otro
cu lo ta mas fuerte den matematica. Esey ta algo cu nunca nos lo no kier cambia paso esey ta e
talento cu cada un di nos ta desaroya den vida. Pero loke si nos kier haci ta crea un minimo, a
base di diferente estudionan haci, pa loke ta trata loke nos studiantenan mester por haci pa nan ta