Page 30 - ARENDS
P. 30
cu e ley ta na Directie Wetgeving y asina cu e version final ta cla e lo bay
Parlamento pero cu esaki lo no tuma hopi tempo mas. Yac aba tin hopi
compania cu a aplica y ta cla pa habri nan oficina of un sucursal na San Nicolas
segun Minister.
A continua cu e topico di un One Stop Shop na Aruba. Un di e obstaculonan mas
grandi cu ta wordo menciona dor di e comerciantenan local ta e asina yama
“Red Tape” cu ta crea hopi tardansa den e procesonan cu un negoshi tin cu
cana pa habri, expande of pa adkiri cualke permiso necesario pa por funciona.
ATIA ta wak e necesidad pa un One Stop Shop caminda e comerciante por haci
supeticion y ta keda cla cu tur documento necesario na un solo luga y den un
tempo adecuadamente cortico. Actualmente ta hasiendo un estudio riba e
structura y forma cu e One stop Shop aki mester opera aden pa por ta exitoso.
E tema di Caya Grandi ta keda uno dificil pero cu no mester wordo perdi di
bista. Minister a informa cu gobierno ta trahando cu un grupo di Miami, esta e
grupo tras di e Proyecto Wynwood caminda a revitalisa un parti di Miami por
medio di arte, y ta mirando e posibilidadnan pa revitalisa e area di CayaGrandi
usando algun di e ideanan di e grupo aki. Ademas ta evaluando e posibilidad di
introduci cierto incentivo fiscal den cierto areanan incluyendo Caya Grandi.
E problematica di e minimarkets cu ta habri na cada skina den a diferente
barionan ta uno cu ta preocupa ATIA. Segun informacion di Minister, e cifranan
ta mustra cu e cantidad di peticion a baha drasticamente. Esaki probablemente
door cu a bin cu cierto stipulacion caminda no por habri un negoshi riba tereno
erfpacht. Esaki ta e unico manera cu gobierno por controla e cantidad di
minimarkets. Mirando cu tereno priva ta mucho mas caro, e interes a baha
substancialmente. Ademas no ta duna permiso mas pa e asina yama
‘convenience stores’ cu por keda habri 24 ora.
Un di e puntonancu tinhopi importancia pa ATIA ta entrepreneurship. Minister a
finalisa e reunion informando ATIA cu na April lo habri un oficina di Qredits na
Aruba cu ta un instancia cu lo duna financiamento te cu 50,000 florin na
