Page 16 - AM211009

Diasabra, 09 October 2021 AWEMainta.com 16

UN SNECHI DI PALABRA DI DIOS

XXVIII DIADOMINGO DEN AÑA 10.10.21 # 332

I lect: Sab. 7, 7-11
Salmo 90
II lect: Heb. 4, 12-13
Evangelio: Mc. 10, 17-2

Un dia, ora Hesus tabata sigui su caminda, un homber a core bin cerca djE, hinca rudia su dilanti y puntr’E: “Mi bon maestro, kico mi mester haci pa
mi haya bida eterno?” Hesus a contest’e: “Pakico bo ta yama Mi ‘bon’? Ningun hende no ta bon, Dios so! Bo conoce e mandamentonan: ‘No mata;
no kibra fieldad di matrimonio; no horta; no duna testimonio falso; no cobra ningun hende di mas; honra bo mama y bo tata.”E homber a contesta
Hesus: “Maestro, fo’i chikito mi ta tene mi na tur e mandamentonan ey.” Hesus a keda mir’e duro den su cara y a sinti amor p’e. El a bis’e: “Un cos
so bo falta. Bay bende tur loke bo tin, duna hende pober e placa y lo bo tin tesoro den shelo. Despues bin sigui Mi.”
E mucha homber su curason a cera; el a kita bay cu tristesa, pasobra e tabata masha rico. Hesus a drey mira rond di djE y a bisa su discipelnan:
“Esta dificil ta pa un hende rico drenta reino di Dios.” E discipelnan a spanta di loke El a bisa. Hesus a bolbe bisa nan: “Mi yiunan, esta dificil ta pa
drenta reino di Dios! Ta mas facil pa un camel pasa door di wowo di hangua, cu pa un rico drenta reino di Dios.” Nan a spanta pio ainda y nan a
puntra otro: “Ta ken anto por haya salbacion?” Hesus a keda mira nan duro den nan cara y a bisa: “Esey ta imposibel pa hende, ma pa Dios no;
pasobra pa Dios tur cos ta posibel.”

Palabra di Señor.

MENSAHE

Pregunta di e homber di evangelio di awe ta masha importante: “Kico mi mester haci pa mi haya bida eterno?” Como hende di fe nos mester
busca contesta riba e pregunta aki den tur instante di nos bida. Nos ta kere den Dios y Su Reino, nos ta kere den alma y bida eterno, p’esey
tambe no tin nada mas importante cu asegura salbacion y bida eterno. Evangelionan ta splica nos masha cla loke ta referi na eternidad. Tin dos
opcion: salbacion y felicidad eterno of condenacion y sufrimento eterno. Pa alcansa bida eterno, na prome luga, cu amor nos mester cumpli, cu
tur e mandamentonan di Dios.
E homber di evangelio a confirma cu e ta logrando esey. Y abo? Ami (p. Andres), mi no por bisa mescos. Pero falta algo mas ainda. Hesus ta invita
e hoben di evangelio pa bende tur cos y parti e placa pa pobernan. E ora ey el a bandona Hesus. E no tabata dispuesto pa comparti su rikesa cu
otro.

Hesus ta yama nos atencion cu rikesa por ta un peliger riba caminda di salbacion. E comparacion cu “camel” ta un mensahe masha cla cu tur
propiedad cu nos por logra den nos bida, tur nos luhonan, puestonan, tur cos material mester keda atras y nos mester pasa di e bida aki pa bida
di bienaventuradonan, solamente cu rikesa spiritual.
Rumannan! Rikesa no por salba hende. Ningun di nos sacrificionan, obranan di caridad, ni nos santidad ta suficiente pa nos por salba nos mes.
Salbacion ta bini como gracia di Dios, e ta un regalo y no pago pa loke nos a haci den nos bida. Simplemente, hende no por salba nan mes.
Si bo ta kere cu bo por salba bo mes – bo por ta sigur cu lo bo keda condena. Unico caminda di salbacion ta Hesus. P’esey tambe pone bo bida
presente y futuro den su man.

ORACION

Señor duna mi sabiduria cu lo yuda mi trata tur cos material y

pasahero di tal manera cu nan no lo stroba mi alcansa felicidad eterno.
PROPOSITO

Haci obranan di caridad cu amor pa nos prohimo.

Destaho pa guia di studiante di Hulanda Karibense a kuminsá
BONAIRE

KRALENDIJK - Ministerio di Enseñansa, Kultura i Siensia ta ehekutá un destaho
públiko pa selektá un partido den merkado p’e akohida i guia di studiante di
Hulanda Karibense ku ta bai kontinuá nan estudio na Hulanda Oropeo.
For di 10-10-2020 e Ministerio di OCW (Onderwijs, Cultuur en Wetenschap/
Enseñansa, Kultura i Siensia) ta pèrkurá pa studiante di Hulanda Karibense (Boneiru,
Sint Eustatius i Saba) na nan yegada haña akohida, i ku ta guia nan durante nan
promé aña di estudio.

P’esaki, e Ministerio ta sera un akuerdo pa un tempu definí ku un partido di
merkado. E akuerdo ku e aktual partido di guia, Turan Goeloe, lo terminá despues di
a guia e studiantenan ku lo kuminsa nan estudio na Hulanda den aña eskolar 2021-
2022.
Pa guiansa di e siguiente gruponan di studiante, manera kustumber, e Ministerio lo
ofresé tur partido riba merkado ku ta interesá e chèns pa hasi un oferta. A publiká
e destaho riba Tenderned. Aki e link pa e destaho públiko: https://www.tenderned.nl/
tenderned-tap/aankondigingen/239685 e reglamentu di un lugá pa biba, i sosten durante e promé aña di estudio.

P’e studiantenan ku entrante e aña di estudio 2022 - 2023 ke studia na Hulanda e E Ministerio ta wak aktualmente kon e preparashon di e studiantenan
guia ku ta ofresé lo kontené un pakete di servisio ku e studiante, segun su eskoho, aki for di awor te mart 2022, e momento ku e partido den merkado ku a
por hasi uso di dje. Ta trata entre otro di: guia pa sali for di e propio isla, regla selektá ta kuminsá, lo kue forma eksaktamente. E preparashon na tempu i
buelo, resepshon sentral, sosten serka seramentu di seguro, resepshon regional i e guia ta faktor importante den e oumento di éksito di estudio di studiante
reglamentu di formalidat, di Hulanda Karibense.