Page 57 - MIN ARENDS

Abogado Faarup: Hues mester bin cu su veredicto dia 4 di
Juli si directiva nobo di PDR ta wordo reconoci como tal

Tuesday, 13 June 2017 21:55
Comparti

Abogado Sven Faarup tabata e abogado defensor den e caso legal den corte, caminda cu PDR ta bay
contra di Camara di Comercio, relaciona cu strobamento di inscribi e partido cu un directiva nobo.

El a splica cu mainta tabata tin e caso berdad. A directiva nobo di un banda y directiva bieu den wowo di
e grupo aki tabata den corte y e pregunta grandi ta na hues, si nan mes por considera como e bestuur
nobo si of no. Camara di Comercio mes, cu ta e partido cu a cuminsa cu e proceso, ta bisa hues cu nan ta
haya cu den tur dos banda tin algo di bisa, pero kier pa hues tuma un decision y e decision ta bay ta cu
mester inscribi miembro di bestuur nobo, nan ta bay haci’e. E grupo di bestuur bieu, Andin Bikker y
demas miembro, a trece dilanti cu nan ta haya cu si nan mester wordo considera como bestuur ainda y ta
di opinion cu e grupo di miembronan aki no tabata miembro di partido y cu ta nan ta esun, aunke cu nan
a join e partido nobo, cu ta POR, nan ta keda como bestuur di PDR.
Naturalmente esey e grupo di bestuur nobo di ta di acuerdo cun’e. Ora cu nan a constata cu cierto
miembro di bestuur a join un partido nobo na modo di bisa, pa nan statuut ta duidelijk, cu ora cu join un
partido nobo, bo afilia bo mes cun’e, esey ta nifica di bo miembrecia cu PDR.

A base di esey nan a bay over na tuma e medidanan y un cos cu nan a haci, nan como tur miembro a sinta
hunto y a dicidi cu nan ta bay tuma paso y e paso tabata pa yama un reunion general, a base di cual nan a
eligi un bestuur nobo. Ora cu nan a caba di haci esey, nan a acerca Camara di Comercio pa inscribi nan
como bestuur nobo y esey ta e motibo pakico a bay den corte.

Comodo

Faarup a splica cu e pregunta grandi tabata si mester sali for di e punto di bista cu e grupo di Andin
Bikker ta miembro ainda y e otro pregunta ta si un manera con e resto di e miembronan a actua door di
yama un buitengewoon ledenvergadering y bin cu eleccion di un bestuur nobo. Esey ta e basicamente dos
pregunta grandi cu hues mester bay contesta y ta kere cu e grupo aki tin bon chens den esaki. Hues a
dicidi si cu e decision por wordo spera dia 4 di Juli proximo. Pero si e ta cla mas prome, lo tende di hues
mas prome.