Page 62 - MIN ARENDS

Directiva nobo di PDR lo keda positivo y lo sigui lucha pa nos
pais

Tuesday, 13 June 2017 21:37
Comparti

Lisette Gomes no ta un persona desconoci den comunidad. Ya caba el a yega di aparece riba e lista di
PDR y te awe ta para hunto cu Alonso Tromp y demas coleganan cu ta den e partido.

Gomes a splica cu el a dicidi di keda den PDR. El a kere den principio, e ta sigui kere y ta para pa esey.
Nan a cana tur e tempo aki cu e berdad. Nan no a hinca palabra den boca di ningun hende, no a traha
cartanan falso. Ta papia duidelijk den kico nan ta bezig cun’e y cu e decision cu Andin Bikker a tuma
tabata uno hopi robes. Pa laga un partido cu ta creciendo asina, bay gewoon zomaar, ta un decision
malisimo. Nan a hala esey atras, pa sigui padilanti. Nan ta keda positivo cu lo bay haya un resultado
positivo di nan banda. Asina PDR por keda existi y sigui lucha y bringa pa nos pais.

Un otro Andin
Gomes a topa un otro Andin di loke e tabata conoce antes y esey a haci dolor. El a menciona cu jammer
cu Andin no tabata den e debate como un lider y cu e mester a sinta na banda. Diamars Gomes a mira full
un otro persona cu a bin cu argumentonan cu no tabata cuadra cu berdad.

E aña aki Gomes tin 4 hunto cu PDR y a participa den hopi reunion. Tabata tin hopi slordigheid di e
directiva anterior y no tabata tin nada preto riba blanco. Awe por a mira cu el a bin cu algun argumento
cu no tabata cuadra cu e berdad.
Con leu lo yega

E directiva nobo di PDR ta cla. E lista ta practicamente cla. Sostenedornan ta pendiente. Tur hende ta
pendiente. Ta increibel e hendenan cu ta nan tras. Gomes a haya asina hopi mensahe puntrando dicon
hues a tarda. Pero ta Dios so lo dicidi kico lo pasa, ki ora lo pasa y con e lo pasa. Gomes a splica cu nan lo
tene pasenshi y ta positivo. E lo sali di nan banda pa asina nan por start sali cu e campaña di biaha.

Mas fuerte cu antes
Mirando henter e gap cu a bin, Gomes a splica cu e ta un di e personanan cu no ta kere den sticker, no ta
kere den bandera, no ta kere den tshirt. E ta kere den bin cu e realidad afo, bin cu solucion, traha un
programa di partido, informa e pueblo, sali si riba caya, pero no ta necesario tur e materialnan. E placa ey
bo por hink’e hunto, haci donacion na fundacionnan. E no ta kere den esey. Di su banda, Gomes no lo
mira esaki, pero si e presencia den pueblo pa asina informa y mustra nan kico PDR lo bay haci