Page 67 - MIN ARENDS

Legalidad directiva nobo partido PDR

den man di huez

Posted on 06/13/2017 11:50 am AST | Updated on 06/13/2017 10:13 pm AST

ORANJESTAD – Huez ta dicidi dia 4 di juli si Camara di Comercio a actua bon di
rechaza e inscripcion di e ‘PDR nobo’ of no. Mirando cu tempo ta corto relaciona cu
eleccion, huez SAP lo purba bin cu un sentencia prome. Awe mainta a tuma lugar e
caso cu Alonso Tromp na nomber di PDR (nobo) a entama contra Kvk pasobra e
gremio no kier a inscribi e directiva nobo den nan registro. KvK su argumento ta,
cu no a haci tal pasobra no tin claridad riba e situacion interno di e partido y a opta
pa un huez dicidi riba e tema. E lider (ainda) di e partido Andin Bikker ta
argumenta cu Tromp a y ta actuando illegal y no tin derecho di actua na nomber di
e partido.

ANDIN TA CU POR OF PDR

Loke partidonan tabata cuestiona di otro tambe, ta unda e miembrecia di Bikker ta caba
na PDR y unda e ta cuminsa cu e partido POR. Y si e asociacion cu Bikker a haci cu
partido politico nobo POR, ta automaticamente expulse for di partido PDR. E discusion
entre abogadonan tabata confuso, y huez lo por duna su interpretacion proximamente.
Abogadonan a debati pa nan respectivo client basa riba nan informacion, pa purba duna
claridad riba e situacion.

E CASO

Loke a resalta den e caso awe mainta ta cu tanto Tromp como Bikker nan interpretacion
di e situacion tabata confuso y contradictorio a momentos, lagando lugar pa varios
interpretacion. Huez tambe na dado momento a interumpi pa purba haya claridad. Base ta