Page 65 - MIN ARENDS

Empleadonan publico por aplica pa VUT durante lunanan di
Juli y Augustus

Tuesday, 13 June 2017 20:12
Comparti

Den conseho di minister a tuma cierto decisionnan referente na e VUT. Minister Bermudez di finansas, a
splica cu siman pasa el a hiba e proposicion pa conseho di minister pa nan activa un biaha mas e areglo
di VUT
pa e aña aki y en particular e lunanan di Juli y Augustus. Por activ’e pa dos luna segun landsverordening
y conseho di minister a bay di acuerdo.

E VUT lo bay na vigor e aña aki pa Juli y Augustus, cu e empleadonan por haci un peticion riba dje.
Cada tanto tempo

Minister Bermudez a splica cu e interes pa VUT tin y ultimo añanan ta mira cu tin bastante empleado cu
a haci uzo di dje. E motibo ta cu den un banda ta purba di rebaha, reduci e cantidad di empleadonan cu
tin den e aparato di ‘Gobierno, pasobra na mesun momento tin un paro di reclutamento di personal, cu
excepcion pa e funcionnan cu ta rekeri un educacion avansa, esta HBO of WO. Pa por crea e espacio
presupuestario, esnan cu tin estudio avansa, ta purba di stimula esnan cu cierto momento por haci uzo di
VUT pa motibo cu sea nan kier stop di traha of kier haci un traslado pa sector priva, of nan kier haci un
otro paso den nan carera pa asina duna nan oportunidad pa por sali voluntariamente.

Interes

Pa cada peticion tin un evaluacion. Tin un comision special pa esey. Por ehempel tin posicionnan cu
Gobierno lo no kier mira un persona haci uzo di dje. Si ta un posicion clave of si ta un posicion pa cual e
ta haya un asina yama scharse toelage, tin diferente funcion, diferente profesion den Gobierno, caminda
cu door tin un scharsedad, e personanan aki ta gosa di un scharse toelage. E ora no ta na su luga pa fuera
cu nan a gosa di un scharse toelage, e ora eynan por bay wordo stiimula pa tuma e pakete di vut y sali afo.
Ta hustamente ta duna nan e toelage eynan pa por keda den servicio pasobra nan ta dificil pa haya den
competencia cu e sector priva. Pero en principio tin un comision cu ta evalua cada peticion pa esnan cu a
pidi pa bay cu VUT.
Pensioen

Minister Angel Bermudez di finansas a splica cu berdad nan tabata tin e reforma mayor di e sistema di
pensioen na 2013/2014. Pero e VUT no ta solamente pa esnan cu ta bay cu pensioen den corto. E VUT ta
alcansabel pa esnan cu kier haci uzo di e facilidad aki, pa haci un cambio, trece un cambio den nan
carera. Esnan cu cierto momento falta cuater of cinco aña, tin tambe e posibilidad pa haci uzo di e tres
añanan di VUT. Nan por aplica pa e facilidad di NPR 2014, pa cual nan por haya un vervroegd pensioen
for di APFA. Si nan falta un of dos aña e posibilidad tey. Esey a wordo institui na 2014 y esey no ta kita
afo si e VUT bin na areglo. Por combin’e. Si falta un cinco aña prome cu bay cu pensioen. Por haci un