Page 59 - MIN ARENDS

Ainda tin hopi empleado publico pa añanan largo na cas y
cobrando tur luna

Tuesday, 13 June 2017 21:52
Comparti

E overtoligheidspoule dia cu Bermudez a drenta na 2014, tabata contene casi 100 persona.

A haci un peticion na departamento di recurso humano pa purba di activa nan tur, ora cu tin
oportunidad y ora tin funcionnan habri, caminda cu esnan cu ta eyden, tin e capacidad y
educacion pa por wordo activa den un funcion. Ta haciendo esey keto bay. Diferente exito a
wordo logra, pero no ta tur hende ta logra wordo activa. Tin di nan, basicamente no kier. Esey
na cierto momento ta bay busca un otro solucion pa nan. Esey ta nifica cu structuralmente nan
no kier un empleo mas den Gobierno. E ta un fondo dinamico den sentido cu ta wak cu tin un
cantidad ta wordo activa y cu exito. Di un otro banda ta wak cu tin un cantidad ta wordo activa
y cu exito. Di otro banda ta wak cu tin un cantidad ta bolbe drenta. Por ehempel e ultimo aki,
esnan di laboratorio cu no a haya posicion na hospital, tambe a wordo desactiva y a wordo
aloca den e poule aki. Pero keto bay, por medio di recurso humano, ta buscando un funcion pa
nan.

Un otro trabao

E minister a splica den prome bista no por controla cu nan tin un di dos trabao. Pero recurso
humano, cu regularidad ta haci e control ey, pa cierto momento berdad, cu si nan tin otro
trabao, por bisa cu por descontinua cu e relacion cu nan tin cu un relacion laboral cu Gobierno.

Caba cu overtoligheidspoule

Riba su mes, tanten cu keda dinamico y ta purba di aloca tur hende den e actividad. Di un otro
banda, esnan cu no por tin cu busca un otro solucion structural pa nan. Riba su mes e ta bon,
pasobra e ta fungi como un buffer. Tin biaha ta haya empleadonan cu no ta fungi pa cualkier
motibo individual of colectivo, den cierto posicion y departamento, por uze como un stacion
pa pone nan un rato eyden y pa despues busca un otro caminda cu nan si por duna nan
servicio den e aparato di Gobierno, e minister a menciona.