Page 12 - BNDIA ARUBA

a12 riba caya
Dialuna 23 Juli 2018

Homber a menasa señora cu arma blanco

ORANEJSTAD – Patruya di Oranjestad a bay diasa-
bra anochi na e luga di bende number situa na Koning-
straat. Aki ta unda cu un homber adicto lo a yega na e
luga y a bin cobra loke el a gana.

Pero e personal no tabata tin e placa pa dun’e y a bis’e pa pasa
dialuna. E homber lo a rabia menasa e señora cu un arma
blanco y a bisa cu e lo bin bek cu un revolver. Patruya a pa-
pia cu e bendedo di number y a topa cu e homber y asina a
bon cla. Pero rato despues el a bolbe cuminsa menasa y haci
fastioso, aki ta unda cu polis a presenta y e señora a busca un
solucion pa e haya su placa pa e no sigui stroba.

Dos auto a dal basta duro contra di otro

BUSHIRI - Diasabra durante e oranan di atardi riba e
caminda di Bushiri banda di e casnan di pueblo a keda
registra un accidente fuerte entre dos auto.

Polis cu a presenta na e sitio a constata cu e chauffeur di e Kia
Picanto a perde control y dal den e Kia van. Paramedico di
ambulance tabata na e sitio y a brinda asistencia na e victima.

Pa falta di preferencia a causa accident

DAKOTA - Diabierna durante oranan di atardi riba
Caya papa Juan Pablo2 antes yama Rondweg na Da-
kota a sosode un accidente basta fuerte. Aki ta caminda
cu un truck di Setar bahando for di pariba y un Nissan
Tiida a yega sali su dilanti cu consecuencia e truck a
dal contra e auto.

E chauffeur den e Tiida no a duna preferencia y a dal contra
e truck di Setar y cu consecuencia e chauffeur a perde control
y bay basha cura di cas. Ningun persona a resulta herida, pero
daño material tabata grandi.