Page 30 - AVP

Drs. Mervin Ras (AVP): E Gobierno Disfuncional Aki

Ta Perhudica Nos Pueblo

 Local
- 23/10/2019

Segun Parlamentario di AVP, drs.Mervin Wyatt-Ras, e Gobierno aki ta un Gobierno
disfuncional. Esta cu e Gobierno no ta focus riba su metanan y no ta realisando su
metanan. Paso Gobierno a priminti hopi cos. E metanan cu el a bisa pueblo cu e lo ke
logra p’e cumpli cun’e durante gobernacion te awe e no ta cumpliendo cu nan.

E Gobierno aki a priminti pueblo cu e lo aumenta e poder di compra, cu tarifanan di awa
y coriente y gasoline lo baha, edad di pensioen lo baha, lo baha e cantidad di Ministernan,
lo baha e gastonan di Gobierno y lo bin cu diferente proyecto.

Sinembargo Gobierno ta blo tilda Gobierno anterior di locual e no por cumpli cun’e anto
continuamente uza cu tin debe of megadebe sinembargo ta sigui subi su gastonan y no ta
tene cuenta cu e dolor di nos pueblo. Gobierno no ta carga su responsabilidad. E ta keda
tira culpa riba Gobierno anterior.

Enbez cu nos ta bay padilanti nos ta bay atras. Por tuma nota cu inflacion enbez di baha a
subi.