Page 32 - AVP

Otro ehempel t’e ley di LAFT. Ministro Presidente hunto cu su Parlamentarionan a gang
up pa bin cu amienda pasobra semper e tabata contra LAFT, aworaki e mes t’esun cu ta
nenga di bekrachtig e ley aki p’e drenta den funcion.

Ta den nos memoria ainda ora cu Gobernador no kier a firma un begroting y cu Minister
Presidente e tempo ey a protesta, a haci bofon di dje, a schwerch’e. Awe e Ministro
Presidente ta manda riba Parlamento y no ta firma e ley y ta gaña Hulanda y laga su
hendenan cay p’esey pa no haya un aanwijzing.

Mientrastanto na Aruba ta Gobierno ta controla Staten y Staten a bira marioneta di
Ministro Presidente y su mentiranan pa saca curpa. Esaki ta un bon ehempel di un
Gobierno y tambe un Parlamento disfuncional.

Un otro asunto ta leu di Serlimar cu tin henter in discucion den coalicion al respecto.
Trahadornan a manifesta y a bin na Parlamento. Durante tratamento di e ley e Minister
Presidente ta sinta na banda di e Minister encarga cu Infrastructura henter dia pa controla
su hendenan pa nan vota p;e ley, pa por produci placa pa bay pa un incinerator di 300
miyon. Ta sconde facts pa no duna e informacion corecto. Sin respet p’esnan di nan
coalicion cu tin un otro opinion.

Nan ta schors e reunion y eynan e Presidente di Parlamento ta hunga mee cu nan. Esaki
net prome cu un colega lo bay papia y cu nan ta sospecha cu e lo por ta contra pa silencia
e colega aki. Pasobra nan no kier p’e vota contra di e ley aki.

Dus atrobe e Minister Presidente ta mustra su dobel cara y su mando riba Parlamento y
Presidente di Parlamento. Esaki ta otro ehempel di disfuncionalidad. Nos hendenan a
cuminsa ripara esey. Nos maestronan tampoco no por mas cu e situacion disfuncional di
Gobierno y a cuminsa protesta. Gobierno no ta sincero, no ta cumpli cu su promesanan, ta
ehecutado proyectonan di gobernacion anterior, pues un Gobierno disfuncional. Gobierno
mester saca su conclusion y si e t’asina disfuncional e mester hala un banda y laga otro
goberna, drs. Mervin Wyatt Ras a conclui.