Page 31 - AVP

Na 2017 e tabata 0.5% y a subi te 10%. E poder di compra di nos hendenan a baha. Un
famia cu ta consisti di un persona tabatin mester di 2000 florin pa sobribibi, mientras
awendia e mester 2300 florin pa biba. Un aumento di 300 florin. Un famia di 4 persona
tabatin mester 4300 florin pa sobrevivi, mientras awor e mester di 4900 florin, esta un
aumento di 600 florin.

Por bisa pues cu e Gobierno aki no ta yudando nos hendenan pa nan bay dilanti.
Gobierno aki a gaña cu e debe nacional tabata 97% di nos GDP, mientras esaki no tabata
corecto.

Pues Gobierno aki den dia cla ta gaña pueblo. Esey ta disfuncional, ora bo ta gaña, ora bo
ta manipula, ora ta set up full problema pa culpa otro y no ta logra realisa metanan cu
mester tin pa comunidad.
Si tuma nota di medidanan tras di medidanan por menciona redoblacion di BBO dor di
cual Gobierno a saca for di cartera di nos hendenan 130 miyon florin. Pa loke ta trata e
prijs di awa y coriente a bay halto, esta 10 miyon, accijns riba gasolin, accijns riba tabaco
y alcohol tambe a subi na 10 miyon,

BAZV 87 miyon, grondbelasting 14.5 miyon. Pues Gobierno ta saca hopi placa for di
cartera di nos hendenan. Ainda falta sugar tax y otro medidanan di belasting .

Minister di Finanza cu no ta carga su responsabilidad ta busca IMF pa yuda drecha
belasting y duna asistencia pa cu personal. Dus IMF lo wordo uza pa kita nos hendenan
fo’i trabou. Ta trata di 300 pa 500 personal. Esaki ta disfuncional. Tuma medida y gaña
of sconde tras di otro hende pa no asumi nan responsabilidad.
Otro ehempelnan di disfuncionalidad t’e Minister di Enseñanza cu continuamente ta den
discusion y pleito cu maestronan. Continuamente e ta perhudicando nos maestronan, pero
tambe nos muchanan. Pasobra enbez di comunica y hunto yega na acuerdonan conhunto e
gaña y bira palabra. Hasta a kita asuntonan di Trai Merdia fo’i su encargo pa duna Evelyn
Wever-Croes esaki.

Minister di Transporte tambe no ta para na Aruba y dor di esaki a cumpra busnan sin
check dor di cual e busnan no ta coriendo dor cu e airconan no ta trahando bon. Gobierno
alabez ta keda cumpra productonan caro, autonan di luho, ta biaha paisnan leu, ta
bishita cierto congreso den exterior cu ambtenaar mes por representa pais dignamente
mirando e bon experticio, fiestanan cu ta wordo organisa, friends and family cu ta wordo
nombra continuamente, rumannan, primo, prima, guy di yiunan, te hasta bysides. Tur
esaki ta disfuncional.