Page 13 - AWEMAINTA

Diaranson, 13 November 2019 AWEMainta 13

Drs. Marisol Lopez-Tromp (POR)

Reunion hopi fructifero cu miembronan di Parlamento Hubenil

E siman aki e Comision Fiho di Parlamento
di Asunto Social, Famia, Cuido pa nos Gran-

dinan y Hubentud tabatin e placer di ricibi

miembronan di Parlamento Hubenil.

Presidente di e Comision Fiho, drs. Marisol

Lopez-Tromp a invita e miembronan di Parla-

mento Hubenil pa intercambia di pensamento

riba e temanan di asunto social, famia, cuido
pa nos grandinan y tambe hubentud.

Esnan di Parlamento Hubenil cu tabata pre-

sente ta Leonardo Figaroa, Giovanna Carisal

y Dominique Lopez, cu ta miembronan di di-

rectiva tambe.

Lopez-Tromp a indica cu e reunion tabata uno

extenso y den bon cooperacion cu otro unda a

sobresali e importancia di e temanan aki y con
hopi atencion nos hobennan cu den futuro lo

t’e lidernan di nos pais tin pa nan.

E Parlamentario ta sinti su mes hopi orguyoso

di mira con un fundacion manera Parlamento

Hubenil cu a wordo lanta na 2003, tempo cu e

mes tabata Minister, a desaroya na un manera
asina positivo y ta sigui concientisa nos hoben-

nan riba tur loke ta sosode rond di nan.

Nan ta un plataforma hubenil cu ta crea un

forma nobo di liderasgo, ta desaroya y promove

e proceso democratico entre nos hubentud.

Igualmente ta duna atencion n’e cultura di de-

bate, ta promove participacion y ta yuda nos

hobennan tin mas confiansa den nan mes.

Marisol Lopez-Tromp ta finalisa bisando cu e

ta spera cu e tipo di reunionnan aki por sigui

tuma lugar unda tanto e Parlamentarionan

‘grandi’ como e Parlamentarionan Hubenil por

comparti nan opinionnan, puntonan di bista,

preocupacion, sugerencia y visionnan cu otro

y asina logra un mihor bienestar pa nos isla.