Page 18 - awem sept 30
P. 18
18 AWEMainta Diaranson, 30 September 2015
Brazil Taekwondo
Stichting a scoge
60 atleta pa Best
of the Best 2015
BRAZIL Taekwondo Stichting a cuminsa cu Best of
the Best na aña 1995 y awendia e t’e evento di Brazil
Taekwondo di mas bishita y ta na su punto final cu tur
e preparacion nan.
Brazil Taekwondo semper ta scoge e mihor bringador-
nan di Aruba p’asina nan por bringa contra di e paisnan
internacional cu ta bin Aruba pa Best of the Best.
Brazil Taekwondo a scoge 60 atleta for di 8 scol di
Taekwondo na Aruba. Diahuebs dia 1 di october tin
registracion y e atletanan cu a wordo selecta mester
registra p’asina confirma nan participacion na Best of
the Best 2015.
Suriname a confirma su 7 atletanan pa Best of the Best
y semper tey claba cu nan team pa Aruba. Corsou ta
den proceso di forma un team pa Aruba y semper ta nan
revancha nan kier.
Brazil Taekwondo su team semper ta cla pa cualkier
evento y Best of the Best no ta un excepcion.
E team di Train Hard Fight Smart lo bay briya diasabra
awor den Centro di Bario Brazil cuminsando for di 10’or
di mainta cu e prome peleanan te cu 5’or di atardi.
Ta bay tin un solo mat y e focus lo bay ta mey-mey pa
asina por disfruta di e nivelnan di pelea un tras di otro.
