Page 27 - awem sept 30
P. 27
AWEMainta Diaranson, 30 September 2015 27
Lider di PDR a bishita
Minister Boekhoudt
DEN HAAG – Lider di PDR y miembro di Staten di Aruba mr. Andin Bikker a haci un
bishita di cortesia na Minister Plenipotenciario Alfonso Boekhoudt.
Durante un encuentro hopi ameno den Sala Betico sr. Bikker y sr. Boekhoudt a papia
riba diferente punto di interes comun.
Un punto cu a keda trata ta cu mester sondea e posibilidad cu e Ministernan
Plenipotenciario por bin cu un proposicion pa un Ley di Reino (Rijkswet).
N’e momento aki ta Hulanda semper ta bin cu un proposicion pa un Ley di
Reino y e paisnan autonomo ta propone cambio. Rib’e mesun tereno aki
e Parlamentario y e Mandatario a intercambia riba algun Ley di Reino cu
merece atencion, manera e Rijkswet cu ta regarda Nacionalidad Hulandes.
Durante e combersacion tambe a papia riba posibilidadnan pa cu trans-
porte duradero na Aruba y cu na mesun momento ta sostenible. A acorda
cu lo busca solucionnan factibel existente caba na Hulanda pa siña di dje.
Finalmente sr. Bikker a gradici Minister Boekhoudt p’e recepcion pla-
centero. E Parlamentario ta na Hulanda den cuadro di e clausura di e
celebracion di 200 aña di Reino Hulandes.
Brahma Kumaris Aruba ta organisa curso:
“ Con experiencia
trankilidad interno?”
MAS y mas awendia hende tin necesidad di tin trankilidad interno.
Meditacion Raya Yoga t’e manera simpel pa logra esaki.
E conocemento di ken “mi ta” realmente y con por haci e con-
exion cu e Ser Supremo
ta forma e base di meditacion Raja Yoga.
Cu sumo placer Brahma Kumaris Aruba ta organisa e weekend
aki un curso di 2 dia “Con pa experiencia trankilidad interno”
por medio di meditacion.
E curso aki lo tuma luga riba diasabra y diadomingo, 3 y 4
di october ’15 den centro di Brahma Kumaris cu ta keda
na St. Cruz 113, banda di Kenro
Jewelers.
E curso aki ta destina pa tur
persona di cualkier proceden-
cia y creencia.
Orario lo ta di 6.00-8.30pm.
Idioma ta hulandes
Tur curso di Brahma Kumaris ta liber
di costo como un servicio pa comunidad.
Pa mas informacion y pa notifica participa-
cion por yama Cel# 5643106; www.brahmaku-
maris.org.
