Page 28 - awem sept 30

28 AWEMainta Diaranson, 30 September 2015

Fiesta di
Cunuco y
Mercado
Santa Rosa
grandi y
exitoso

DIADOMINGO ultimo a tuma lugar “Fiesta du Cu-

nuco” combina cu Mercado Santa Rosa.
E biaha aki esaki a keda organisa den e bario di Brasil na
un cas di Cunuco. Adres exacto ta Amsterdamstraat 21
cual ta cas di famia Orman. E cas aki a wordo construi
den aña 1891. Despues di tanto aña automaticamente
ta bira un monumento.
Ta p’e motibo aki MonumentenFunds tur aña ta bishita
difrente bario p’asina por tuma nota cual t’e casnan
tipico Arubiano pa por organisa e asina yama “Fiesta
di Cunuco.
E gran dia tabata diadomngo 27 di september ultimo.
For di 10’or di mainta e ambiente a ranca sali cu grupo
di baile Gucci Dancers hunto cu damita cultural Juemy
Hernandez. Sigui pa Caha di Orgel “Miranda” di sr.
Nelson Tiel.
Asina e mainta a continua cu un otro grupo di baile cu
ta Youth Chaz Dancers cu a presenta tres bunita baile.
Otro grupo di baile cu tambe a hasi nan presentacion
ta Rosea “Cultural” Un presentacion hopi interesante
tabata e baile di “Wela Cultural” presenta pa sra. Maria
Werleman.
Nos hobennan cu tin cultura y nos folklor na pecho
tambe a hasi un bunita presentacion cu ta Candylicious
Dancers.
Durante dia tambe a presenta solistanan cu t’e hobencito
Zenon Daal, y sra Bertha Wolf interpretando temanan
masha bunita.
Agrupacionnan tipico no por tabata falta den e “ Fiesta di
Cunuco”. Esaki a wordo bon representa pa Tipico Alegre
Kadushi Largo cu nan musica pegahoso.
Tommy Figaroa y su Harpa y pa sera e atardi exitoso di
“Fiesta di Cunuco” hunto cu Mercado Santa Rosa agru-
pacion musical di Tambu Sodo y Cuero.
Tur esnan cu a bishita e “Fiesta di Cunuco” por a admira
e cas di cunuco aki di paden con e tabata muebla.
Di parti di Departamento di Agricultura, Cria y Pesca
Santa Rosa nos ta gradici tur e partners cu a traha duro
p’asina esaki keda realisa. Esakinan tabata Monumen-
tenFunds, Muchila Creativo, Aruba Aloe, Departamento
di Cultura Aruba y Museo Historico Arubano p’e gran
trabou desplega. Sin laga afor nos coleganan mes di
Santa Rosa cu incansabelmente a traha p’e gran dia aki.