Page 19 - ECEM

haci cu ATA

Thursday, 09 March 2017 08:37
Comparti

Ronella Tjin Asjoe-Croes, CEO di ATA, a splica cu a pone beslag riba un cuenta siman pasa, pero a tuma e
decision tambe pa pone embargo riba otro cuentanan tambe cu tin disponibel e siman aki. Reaccion di
Insel Air Awor aki ATA ta wardando riba reaccion di Insel Air awor aki.

ATA ta cla pa sinta na mesa manera semper y lo sigui cana e mesun caminda cu a mustra di e cana
anteriormente. Ta wardando reaccion di nan banda, e CEO a splica. Te awor aki cu sa, nan no a tuma
contacto cu ATA. Atrasa Nos ta na 2017 awor aki. E fee a wordo introduci na 2012. No ta nifica cu pago
no a wordo haci. Tjin Asjoe-Croes a clarifica cu na diferente momento a haci pago, solamente cu no a
cumpli cu acuerdo cu tabata tin. Pero inyeccion di placa a bin ta drenta pa diferente di e momentonan
durante di e trayectoria cu tabata bezig cu Insel Air Aruba. Ta haci un distincion entre Insel Air Aruba y
Insel Air International, cu ta basa na Corsou. Den e caso di Insel Air International si, pagonan tabata
wordo haci debidamente te ainda. No ta un punto di problema pa ATA. Pero den e caso aki ta trata di
Insel Air Aruba. ATA lo sigui haci intentonan e ora ey pa por yega na un acuerdo. Esey tabata semper e
espirito con ATA a acerca e relacion tambe. Suma no ta halto E montante Tjin Asjoe-Croes no a trece
dilanti pa respet pa e aerolinea. No ta un suma cu a surpasa un miyon y tampoco surpasa 500 mil
tampoco.

Partner strategico Insel Air ta un partner strategico importante pa sigur sin kita y laga e trafico
interinsular, cual nos tur sa di esey. Esey no ta e meta principal pa un oficina di turismo, pero tabata tin
diferente aliansa pa rutanan manera Manaos, Brasil. Colombia tambe tabata un punto importante.
Ecuador tambe a mira e importancia den esey y e ruta di Miami tambe tabata uno cu sigur a duna su
meritonan tambe. Pa papia di cantidad di pasahero, ora cu papia di interinsular tambe, mester tene
cuenta cu toch tin un cantidad di Europeo cu tabata haci buelo pa Corsou y ta tuma esakinan pa sigui bin
door Aruba. E ta un partner sigur importante y sigur ta reconoce e hecho cu semper Insel Air Aruba
tambe a haci su esfuersonan pa purba di toch traha hunto cu ATA y crea rutanan nobo y habri portanan
unda cu esakinan no tabata habri anteriormente.