Page 20 - ECEM
P. 20
Aruba Airport Authority N.V. a gana
premio maximo den miho servicio
MARCH 9, 2017Aruba News 76 Views
Un logro historico pa tur cu ta traha na nos Aeropuerto. Tambe a gana e di 3 premio den miho aeropuerto den
e region
ORANJESTAD, Aruba – 7 di maart 2017: “Ta cu hopi orguyo e team completo di Aruba Airport Authority
ta anuncia awe cu a reconoce nos aeropuerto mundialmente cu dos premio importante den e calidad di servicio
cu ta otorga na aeropuerto, debi na nos servicio excelente”, asina Barbara Brown, Chief Commercial Officer
na Aruba Airport Authority N.V. a duna di conoce. E ta referi na e Airport Service Quality Awards 2016, cu e
organisacion Airports Council International a anuncia dia 6 di maart 2017. Aki Aeropuertonan grandi y chikito
for di rond mundo ta competi den ken ta provee e miho servicio y experencia na pasaheronan.
A base regular ta haci encuesta bou di pasaheronan saliendo for di Aruba pa asina haya sa con e nivel di
satisfaccion ta bou di e pasaheronan. Satisfaccion specialmente den e procesonan cu ta pasa ora di biaha.
“Como Aeropuerto ta importante pa sa unda nos ta haciendo e cosnan bon y na unda nos por mehora nos
servicionan y nos procesonan”, di acuerdo cu Barbara Brown.
