Page 24 - ARUBA BANK

Prome cu esey, Randolph Ruiz tabata na cas despues di a keda retira for di Tierra del
Sol pa iregularidadnan den su funcion como director financiero eynan. Mientrastanto
Hoevertsz, cu tabata ocupa e funcion di director den Utilities durante e deal desastroso
di Hedging pa Aruba, mes a keda retira.

Den su funcion actual como CFO na WEB, Randolph Ruiz ta responsabel pa un maneho
financiero corecto y transparente cual reglanan awor ta seriamente cuestiona.

Esaki ta bin despues cu a constata cu Ruiz no unicamente ta cay cortico na su
capacidad den su funcion, pero tambe a purba di tarda y boycotea e proceso di
financiamiento cu WEB Aruba NV, Utilities Aruba NV, y NV Emar ta ocupa cune, door di
no entrega informacionnan corecto ni na ora, tuma decision y actua riba su mes sin

consulta cu su directie of su board y tambe lo por a leak informacion interno riba e
financiamento aki na e.o Aruba Investment Bank (AIB), treciendo integridad y
continuacion di e acuerdo financiero aki den peliger.

Manera ta conoci, WEB Aruba NV ta ocupa cu un prestamo consolida, pa Utilities Aruba,
Elmar y WEB despues di un mocion di Parlamento cu a pidi pa un fusion entre e
entidadnan aki hunto.

Den fin di siman, Richard Frank di asociacion di Staff di WEB a indica den un
declaracion na prensa, cu unicamente AIB tabata keda encarga cu financiamentonan
den pasado pa WEB, cual ta cuadra cu berdad. Pero loke Frank no a cay riba dje ta cu
e practica aki pa cu AIB a crea un monopolio inhusto pro-AIB y contra e mesun WEB pa

por haya e mihor deal posibel cu resultado di prestamonan cu interes y condicionnan no
favorabel di parti di AIB den pasado, cual WEB practicamente tabata obliga na tuma.

E biaha aki a opta pa duna e proceso aki di busca prestamo na un grupo local

independiente, kendenan a logra awor e mihor deal cu WEB a yega di haya den su
historia, cu interes y mihor condicionnan cual nunca nan a yega di haya for di AIB.

E decision den cambio aki no a cay den bon tera cerca AIB, kende lo tin un tempo ta

haciendo varios intento pa kibra e deal aki, apesar cu esaki ta uno beneficioso pa WEB
contal cu nan (AIB) por haya esaki back manera tabata tuma lugar den pasado.