Page 27 - ARUBA BANK

a24 condolencia
Diabierna 17 november 2017

Na Memoria

di

Juffr. Menita

Ken na Paradera no conoce Juffrouw Menita, kende a
dedica como 60 aña di su bida na yuda jovennan den nan
educacion y formacion. Juffr. Menita a para mas cu 55
aña dilanti klas y por bisa cu ela duna les p.e. na joven-
nan cu despues a forma nan propio famia y nan yuinan
atrobe a bin den klas serca Juffr. Menita. E jovennan aki
despues tambe a forma nan famia y nan yuinan di tres
generacion a bin school atrobe serca Juffr.Menita. Hopi
di e jovennan cu a pasa den man di Juffr. Menita, despues
a bay ocupa funcionnan clave den nos comunidad. Pa e
tantisimo trabao cu Menita a haci pa Aruba riba diferente
tereno y en especial pa pueblo di Paradera, Su Majestad
Reina Beatrix a otorge un Condecoracion Real.
Parque Curazon na Jaburibari a ser dedica na Menita
como un baluarte grandi di Paradera y na aña 2006 Me-
nita tabata presente na e parke pa saluda Reina Beatrix
durante su bishita oficial. Menita tabata un di e prome
Akelanan den Padvinderij, kende a sigui curso na Corsow
pa despues aplica esakinan na Aruba.
Hunto cu e Dames-Comite di SCA-Paradera, Menita
durante hopi aña a organiza fundraising pa yuda e club
deportivo aki. Tur fin di aña Menita hunto cu otronan
tabata organiza y dedica hopi atencion y yudanza na fami-
anan den necesidad. Despues cu Menita a bay disfruta
di un pensioen bon mereci, ainda gratuitamente ela keda
duna hopi joven bijles na su cas. Tur cu a conoce Juffr.
Menita por ta orguyoso di un yui di Paradera cu a haci
asina hopi pa su pueblo. Den tur Menita su tantisimo
ocupacionnan, semper ela percura pa duna tur atencion
na su yuinan, nietonan y tur su sernan keri y Menita ta-
batin e don di haci dushi cuminda. Tur hende cu a purba
e dushi ayacanan di Menita y especialmente su bitterbal
ta keda pidi mas. E bitterbalnan di Menita tabata bay te
Hulanda y tabata haci su hendenan aya hopi contento.
Oma Menita a organiza “kookles” pa su nietonan y con
nan mester traha su recept special di bitterbal y tambe
su otro cumindanan. Yuinan di Menita, su suegronan, su
nietonan, su rumannan y tur famia por ta orguyoso di
Menita kende a bay sosega den Braza di Señor despues di
a usa e talentonan cu Señor a dune, na un forma optimal.
Danki Menita, danki pa tur e añanan cu nos por taba-
ta hunto cubo y cu Señor duna bo Paz Eterno. Nos ta
gradici Señor pa e gran regalo cu ela duna nos den BO
persona.
Drumi dushi den Reino Celestial.