Page 13 - AWEMAINTA

Dialuna, 4 November 2019 AWEMainta 13

Brommer horta na San Nicolas haya na un

adres na Madiki, un persona a keda deteni

DIADOMINGO merdia Polis a bay un adres

na Madiki pa un cuestion di brommer horta.
N’e adres aki ta biba un persona cu ta spuit

brommer, bais y auto.
E brommer aki lo a wordo horta algun dia

atras na San Nicolas. Polis mientrastanto a
pidi un pick up pa por bay cu e brommer.

Ladron mes di e brommer no a wordo deteni

ainda, pero si a bay over na detene e persona
cu lo mester a spuit e brommer otro color.

Segun nos a compronde n’e sitio, un persona
lo a contact e persona cu ta spuit via Facebook

pa supla e brommer otro color.
El a dune e prijs y asina e deal a bay on. Parce

cu e persona cu ta spuit brommer no tabata sa
cu e brommer ey tabata horta.

Ora e persona cu ta spuit brommer a bay trata
na contact e persona aki bek via su Facebook

account e lo a wordo geblock, esaki ta version
di e persona cu a wordo deteni pa Polis.