Page 8 - AWEMAINTA

8 AWEMainta Dialuna, 4 November 2019

Explosion di gas a laga un persona herida

DIASABRA ultimo tabatin un incidente di explosion di
gas na Palm Beach cu a laga un persona di edad herida.

Casi 11’or di mainta a drenta melding di un explosion
cu a laga un persona herida, na un cas na Palm Beach.

Mirando e forma cu e melding a drenta, tanto Polis como

Brandweer a bay hopi rapido pa e sitio. Na yegada a
constata cu no tabatin candela, pero si a topa cu doño

di e cas, un señora grandi caba sinta pafo. Ademas di e
susto, e señora tabata keha di dolor na diferente parti

di su curpa y paramediconan a cuminsa atende.

Bomberonan a cuminsa pa verifica si e boter di gas ta

cera y despues a bay paden pa mira unda e accidente

a tuma luga. E señora a splica nan cu el a bay cende e
stoof ora cu e explosion a tuma luga. Door di forsa di e

explosion, e stoof a pusha bin dilanti dal den e señora.

Pero lesion di kemadura mes e señora no a ricibi.

Bomberonan a constata cu unda e explosion a tuma
luga, esaki a crea un buraco grandi den e muraya,

mientras cu e cushina a keda total loss. E señora taba-

tin hopi suerte, ya cu su lesionnan por tabata hopi mas
grave mirando e intensidad di e explosion y e daño ma-

terial cu el a causa. Ambulance a transporta e herido
pa hospital.