Page 10 - AWEMAINTA
P. 10
10 AWEMainta Dialuna, 4 November 2019
Chauffeur di Hit & Run deteni na su cas
DIASABRA den oranan di merdia a sosode un caso
di hit and run na e crusada panort di e Panaderia
Huchada.
Un cabayero di edad den un Daewoo bayendo direc-
cion nort a wordo sorprendi pa un Kia Serato color
licht blauw cu a sali su dilanti rancando bumper di
su auto.
Un chauffeur cu lo a mira kico a pasa mesora a sigui
e Kia y tawata avisa polis di e situacion.
E chauffeur cu e hit and run a tuma caminda bay-
endo zuid, y a yega su cas na Macuarima y parkeer e
Kia den cura manera nada un pasa.
Agentenan mesora a bay e adres cu e testigo a duna
nan. Eynan despues di algun investigacion a bay
over na detene e chauffeur cu a comete e hit and run.
Dama haya na soño riba caya
DIASABRA den oranan di marduga algun persona
pasando den Oldenbarneveldstraat a nota un dama
drumi ariba acera. Mas cu claro mesora a avisa polis.
Tawata diasabra pa mas o menos 1:00 a.m cu polis a
wordo notifica di un dama ariba acera. Algun persona
pasando eybanda a trata na wak kico pasa e señora, cu
tawata drumi ariba su banda y su tas uza pa cusinchi.
Nan a purba lant’e pero nada. Pero, manera polisnan a
yega of e lo a scucha zonido di e auto el a lanta mesora.
Agentenan a papia cun’e pero mirando cu e ta bou influ-
encia nan no por a saca afo unda e ta biba.
Pa e motibo aki a pidi Transportwagen pa hiba e dama
warda y ora e bin bij elo por bay su cas. Ariba caya e no
ta sigur. Segun nos a compronde no ta prome biaha cu
polis a topa e dama aki asina aki, indicando cu elo por tin
problema cu alcohol.
