Page 16 - MIN JUS_Neat

Ministerio Publico ta conclui cu na no por persigui e agente policial, kende a causa e
accidente, y pa colmo lo tabata burachi.

Awor a sali na cla tambe, segun vocero di OM, cu ta for di luna di october ultimo caba,
Fiscal mr. Bart Schmitz lo a reuni cu e mayornan y unda a admiti e erornan cometi. E
hecho cu e famia te ainda ta protesta ta confirma cu nan no a keda nada contento cu e
splicacion di Ministerio Publico y pesey a sigui demanda mas claridad.

Loke ta di lamenta ta cu OM ta benta tur falta riba Oficina di Investigacion di Trafico
(Bureau Verkeerszaken en Onderzoek, BVO di Polis, kendenan no a haya suficiente
prueba palpable pa por persigui e chofer di e accidente fatal aki.

Hasta un “second opinion” a ser busca na Hulanda, despues cu e Fiscal di e tempo ey, mr.
Kardol a pasa e caso aki pa Landsrecherche na Aruba, kendenan no tin ningun experticio
pa loke ta casonan di accidente fatal. Pesey awor ta ser cuestiona tambe, pakico
Ministerio Publico a saca e caso for di man di Polis y pas’e pa Landsrecherche?

Of manera tin e impresion den pueblo, ora cu Ministerio Publico kier pa un caso bay
“muri”, pas’e pa Landsrecherche.

AWEMainta tin informacion cu Minister di Husticia, mr. drs. Arthur Dowers tambe a
haya copia di e carta aki, y e no ta nada contento cu e forma cu OM a atende cu e caso
aki, unda un mucha a fayece, sin cu culpable por a ser persigui penalmente.

Den un articulo di e periodista independiente, Arien Rasmijn, kende a scirbi den Amigoe
cu for di un raport emiti, cu nan no por a saca afo na ki velocidad e auto tabata core, ora
di e accidente, siendo riba dicho caminda ta permiti maximo 80 km pa ora.

Si e Polis ta bisa cu e no tabata core di e duro ey, anto e por a evita di dal e hobencita,
kende awe ta morto.

Segun Fiscal mr. Bart Schmitz den su carta ta bisa cu bo ta culpable, ora cu bo demostra
cu tabatin descuido y negligencia den maneho, ora cu a causa e accidente. Ora por
demostra cu cu e chofer tabatin culpa di e accidente fatal aki.