Page 17 - MIN JUS_Neat

For di e proces-verbaal di Departamento di Trafico tabata yen di fout, unda tabatin fayo
di e.o. den schetsing di e situacion di e accidente. Si tabatin foto y marca di brake, pero
for di e fotonan aki por a haya falta di e distancianan, mas e distancia di e marcanan di
brake, segun Fiscal mr. Bart Schmitz.

Banda di esaki, Landsrecherche a constata cu Departamento di Trafico a haci eror grafal
cu ora a falta di midimento di marca di brake. A base di tur e erornan cometi, a pone cu
OM no por haci net nada den e caso aki, pa persigui e chofer, kende porcierto ta un Polis.

Den e carta di Fiscal mr. Bart Schmitz pa abogado di famia di Zinnia Croes, cu el a
puntra Bureau Integridad y Seguridad di Polis (BIV) si no ta na su lugar pa si no mester
castiga tur esnan envolvi den e investigacion aki, pa nan haya un castigo disciplinario.

For di e investigacion no a keda confirma cu e agente policial tabata negligente y su
atencion no tabata riba trafico. Si a keda constata cu dicho Polis a bebe alcohol prome di
a bay stuur e auto.

Ora cu a midi e cantidad di alcohol den su curpa, el a supla 310ug/1, siendo pa ley ta
permiti 220ug/1.

E Polis chofer a pidi pa experto, pero no por a haya un”bloedblok” cu ta perdi for di 2013
caba, y como tal no por a usa e sistema aki. E chofer Polis a nenga p’e paga pa por haci
dicho test, pero el a nenga esaki.

Mama di e hobencita, Michella Matos, ta haya cu awor cu e carta aki den nan poder, por
apela e decision di Ministerio Publico. Y tambe famia di Zinnia Croes ta pidi p’esnan
culpable p’e mal investigacion aki, haya castigo disciplinario.