Page 14 - AWEMAINTA

14 AWEMainta Dialuna, 21 October 2019

Auto coriendo den direccion prohibi ta topa Polis

DIADOMINGO marduga patruya a topa cu un

Toyota Yaris biniendo den verboden richting.

Esaki tawata cerca di e crusada di Emmastraat

cu Avenida Alo Tromp.

Agentenan mesora a cende nan luz blauw y
duna indicacion pa stop, nan lo no por a sigui

bay tampoco debi cu nan a wordo blokia.

Den e auto tawata tin tres ocupante, dos dama
y cabayero. Un di e damanan y e cabayero debi

cu nan ta stranhero a ser pidi pa nan documen-

tonan. No ta conoci pa nos si e tercer persona ta

local.

E dama y e cabayero no por a mustra polis doc-
umentonan cu ta mustra cu nan ta legal ariba

Aruba.

Door di esaki autoridad a detene nan y despues
na Warda di Polis lo contact GNC, cu lo mester

averigua nan status actual.

Homber kier a paga pa lift pero Polis a hib’e Warda

DIASABRA anochi den careda di 9’or na e salida di
Busnan di Arubus patras di Royal Plaza, polis a spot

un homber burachi purbando subi bus.
Mesora e agente policial di trafico a baha y mirando

cu e cabayero no por para mes ariba su pia a pidi pa

un patruya y Transportwagen.
E cabayero di habla Spaño parce te hasta kier a paga

hende aparentemente 100 florin pa hib’e cas.
Transportwagen a yega y agentenan a cana cu e ca-

bayero y yud’e subi den e vehiculo. Den un cel e ta

mas safe cu ariba caya burachi y cu placa den su saco.