Page 13 - AWEMAINTA

Dialuna, 21 October 2019
Nissan Murano a “causa” accidente y a sigui core
Accidente cu hopi daño material
AWEMainta 13
DIASABRA mainta polis y tambe ambulance a bay Catiri,
unda un poco mas panort di e supermercado a sosode un
accidente di trafico.
Na yegada polis a topa cu solamente un vehiculo, cu tawata
un Suzuki Alto color cora. Den dje dos hoben. Segun nan
version un Nissan Murano color preto lo a bay purba pas-
anan den e bocht, causando cu nan mester a baha caminda
cu tur e consecuencianan.
Despues di e hecho aki e Nissan a sigui bay manera nada
no a pasa. Durante cu e Suzuki a baha caminda nan a rasca
algun mata pa despues bay dal contra un palo di Elmar.
Na yegada di Paramediconan a controla e ocupante si nan
ta ok, pero e chauffeur si mester a bay Hospital debi cu el a
dal su pecho duro contra e stuurwiel.
DIASABRA marduga pa mas o menos
2:15 polis a bay e crusada pabou di Pacifico
Paradera, unda un accidente basta fuerte
a tuma luga.
Por bisa cu den e caso aki falta di preferen-
cia a hunga un rol.
Na e sitio polis a topa cu un Nissan Infiniti
y Kia Rio blanco. Eynan por a tende cu e
KIA tawata bin for di pariba, momento cu
e Nissan Infiniti a sali pa bay direccion
Piedra Plat.
Chauffeur di e KIA a purba na evita un
choke, pero no a logra y a dal contra e Nis-
san parti robes patras. Ariba caminda por
mira e lastro di brake di parti e KIA RIO.
Ambos a vehiculo a sufri basta daño mate-
rial, loke ta mas importante cu no tawata
tin hende herida.