Page 8 - AWEMAINTA

8 AWEMainta Dialuna, 21 October 2019

Accidente riba Brug

Freddy Refunjol

unda dos auto a

cay for di e brug cu

5 persona herida

DIABIERNA algo prome cu 11’or di anochi, Polis ta wordo in-

forma di un accidente hopi serio cu 5 persona herida riba Brug
Freddy Refunjol riba Green Corridor.

Mesora a saca unidad di materiaalwagen, varios unidad di Polis

y ambulance pa bay cu urgencia n’e sitio.

Na yegada nan a topa cu un Nissan Tiida color cora benta den

e mondi bou di e brug y un Altezza Blanco cu a bay cay un poco
mas leu. E heridonan tabata e 4 ocupantenan di e Nissan Tiida y

e chauffeur di e Altezza.

Mesora a cuminsa cu e trabounan di rescate, Nan a cuminsa
libera e heridonan for di e autonan y tabata carga nan trece nan

ariba p’asina personal di ambulance pone nan riba e brancard pa
hincanan den e ambulancenan.

E ambulancenan tabata staciona riba e brug cla pa sali bay dire-
cion di hospital. Entre e heridonan tabatin un criatura, un mucha

muher chikito di mas o menos 3 aña.
N’e sitio nan a bin compronde cu e Nissan Tiida y e Altezza ta-

bata bayendo direccion Oranjestad y aparentemente e Altezza ta-

bata biniendo cu velocidad halto y no a calcula e distancia entre
su auto cu e Tiida y a dal su tras poniendo cu ambos auto a bay

cay for di e brug den e mondi.

E criatura di mas o menos 3 aña tabata den e Tiida.

Personanan cu tabata riba e caminda na momento cu e accidente

a sosode, a core baha abou, pa yuda e victimanan, entre e victi-
manan tabatin un mucha di mas o menos 3 aña. Un dama a hiba

e mucha ariba y ta corda bon bon cu e mucha tabata keha di dolor
na su garganta y stoma.

Tur 5 victima a keda rescata y a wordo hiba ariba unda personal

di ambulance a pone tur riba brancard y a transportanan pa hos-
pital.

E caminda a keda pa basta rato cera pa trafico, mientrastanto cu
Polis tabata haciendo investigacion.