Page 7 - AWEMAINTA
P. 7
Dialuna, 21 October 2019 AWEMainta 7
Un dama tabata stuur Nissan
Murano cu a ocasiona accidente
diasabra mainta, haya na Moko
DIADOMINGO merdia Polis a bay un adres na Moko.
Agentenan di trafico a acudi n’e cas relaciona cu un
caso di accidente un dia prome. Esaki a sosode diasabra
mainta den e bocht di Catiri.
Segun informacion e mainta ey, un Nissan Murano a
bay pasa un auto den bocht, causando cu un Suzuki Alto
mester a baha caminda cu tur e consecuencianan. Debi
n’esaki e auto a bay dal contra un steunpaal di Elmar.
Un ocupante mester a bay Hospital cu Paramediconan.
Despues di e maniobra malo aki di e Nissan Murano
aki el a gewoon sigui su caminda sin para y mira kico a
pasa.
Diadomingo merdia agente di trafico a logra haya sa
adres di e Nissan Murano y a haci’e un bishita. A resulta
cu ta un dama tabata tras di stuur. Polis a confisca e
vehiculo y a laga Takelwagen bay cune for di e sitio.
