Page 11 - AWEMAINTA
P. 11
Dialuna, 21 October 2019 AWEMainta 11
Homber cu corta serio cu Grind Machine
DIASABRA atardi algo prome cu 3’or
polis y ambulance a ser pidi patras di
Chesterfield esta den Jansteenstraat.
Eynan un cabayero di edad lo a haya un
corta serio na su pia.
Na yegada di polisnan nan a topa cu un
hende homber cu lo tawata trahando cu un
Grind Machine.
Dado momento algo a bay fout cu e ma-
chine of mal movecion y a causa cu e Disk
a corta e cabayero seriamente na su pia
drechi.
Paramediconan cu a mira con serio e heri-
da ta mesora a sali direccion Dr Horacio E.
Oduber Hospital cu urgencia. Na yegada
por mira e cabayero ariba e cama y toch
tawata mustra hopi trankil.
Nos ta desea e cabayero tur cos bon y e re-
cupera lihe.
Dos muhe deteni pa bringa riba caya
DIASABRA den oranan di marduga a manda
varios unidad di polis cu urgencia na altura di Cas
Casuela pa motibo di un pelea formal cu lo tabata
bayendo for di man.
Na yegada, Polis a bin compronde cu tabata trata
di un pelea entre dos dama, cu pa un of otro motibo
a haya nan mes den un discusion cu lo a bay for di
man y a bula riba otro. Polis mesora no a perde pa
gana y a detene ambos dama pa bringa riba caya.
Segun por a compronde, e problema a cuminsa for
di paden ora cu un a ataca e otro. Siguridad di e
negoshi a dicidi di saca ambos pafo y a informa nan
cu nan no por drenta bek. Pafo tabatin basta hende
y mirando cu tabata casi mainta, a core cu tur hen-
de for di e sitio.
Ambos a wordo hiba Warda di Polis caminda cu
nan lo mester bay duna cuenta di nan comporta-
cion riba caminda publico.
Tabatin varios unidad policial na e sitio mirando cu
tabata controlando orario di cierre di negoshinan.
