Page 8 - PATRICK

autor/fotografo, osea a comete plagio. Ademas corte ta

prohibi e corant en cuestion di publica futuro potretnan

sin permiso di Drayer. Incumplimento di esaki ta resulta
den un multa di mil florin pa dia te un maximo di 100 mil

florin.

E CASO

E caso cu Drayer a entama contra e corant debi cu e corant

en cuestion tabata publica potretnan saca pa Drayer, sin su
permiso. Ni ora cu Drayer a acerca e corant pa yega na un

areglo di pago pa e potret, e corant no kier a paga. Esey a

pone cu Drayer a entama e caso contra e corant. E corant su

argumento ta cu potretnan en cuestion no ta saca pa Drayer,
y cu e potretnan no tabatin mencion di fuente. Como tal

Drayer no por exigi nada. Argumento cu segun articulonan di

derecho di autor e nomber mester ta menciona pa cay bou di

e proteccion, no a haya peso den e caso aki. “Corte si a
establece cu e potretnan ta saca pa Drayer, y cu si ta e caso

mes cu no a menciona fuente di potret, no kier men cu e

potretnan no ta protegi pa derecho di autor”. Publicacion di
potret den corant sin mencion di e fuente y of pago, ta un

violacion di derecho di Drayer, segun corte.

GASTONAN

E parti di gasto tambe a keda claramente delinea den e

sentencia. A mustra aki cu tin dos suma entrega door di

Drayer, cu ta uno pa violacion di derecho di autor, cu a
monta na NAFL 24.150, =, y esun di e recibonan manda pa e

corant pa tur e potretnan (160 na tur) cu e corant a uza di