Page 4 - AHATA

PAGINA 6 DIARIO DIAHUEBS 2 OCTOBER 2025
PostNL a cuminsa

bek cu manda
pakete pa Merca,
despues di paro
temporal

HULANDA: Recientemente
PostNL a cuminsa manda
gran parti di e paketenan des-
tina pa Merca atrobe.
Luna pasa e compania di post
y pakete temporalmente a
stop cu esaki, pasobra no ta-
bata tin mucho claridad riba
un cambio di ley.
Te cu recientemente pa pak-
etenan di un balor di te cu 800
dollar na Merca no mester a
paga invoerrechten, pero e
gobierno di Donald Trump a
pone un fin na esaki.
Esey a conduci na un bahada
di 80% di e trafico di post pa
Merca, segun e union mundi-
al di post di Nacionnan Uni.

Alumnonan balente den hardin di fruta

y berdura di Scol Basico Washington

ORANJESTAD (AAN): Na
Scol Basico Washington
tambe tin un hardin di fruta
y berdura, cu a cuadra den
e plan di Agroforesteria pa
asina empuha hobennan di
edad chikito pa percura pa
nan tin mas amor pa e trabao
di planta y cosecha despues
tur loke tera ta dunabo.
Scol Basico Washington
a hasta duna e hardin un
nomber, y e ta conoci awor
como ‘Cunucu di SBW’.
Tambe ta asina cu tur dialu-
na ta toca turno di un klas
pa bay yuda den e Cunucu
di SBW.
E siman aki tabata turno
di Klas 6-B, y prome cu e
alumnonan a drenta e Cu-
nucu, nan a haya un splica-
cion cortico di kico e meta
di e cunucu ta. Despues
bou guia di e voluntarionan
di Living Soil Aruba, me-
neer Rhyan y juffrouw Eve,
e muchanan a pone man
na obra. Un rato educativo
sigur.
Plantamento di mata ta
ofrece un oportunidad prac-
tico di siñamento cu ta haci
grandi e conocemento di
muchanan di biologia, eco-
logia, y ciencia di medio
ambiente. Nan por obser-
va con matanan ta crece, y
kico ta afecta nan bienestar.
Platamento di mata por uni
grandi y chikito den un es-
fuerzo conhunto.