Page 32 - ATA

Mirando cu pa Barcadera, nan ta hayando hopi peticion di barconan pa bin establece
nan mes na Aruba, nan kier un pida tereno y hopi di e companianan cu ta acerca APA,
ta companianan cu ta pensa cu aki poco tempo Venezuela ta bay tin un desaroyo nobo
y nan kier prepara nan mes pa esaki. Barcadera por handle tur e barconan cu ta trece
containernan, pero no tin suficiente espacio pa barconan acerca, pa bin ‘drumi’ pa tres
luna, pasobra esaki ta blokia e trabaonan di otro barconan.

APA ta studiando si nan por haci algo cu e material na Barcadera, banda di e terminal,
na unda nan lo traha un pida tereno extra cu tin. Nan ta mirando kico por y no por,
como tambe consecuencianan cu por tin. Nan a reuni cu nan stakeholders, y
specialmente DIP, DOW, y Departamento di Naturaleza y Medio Ambiente, pa cana e
caminda, y nan a haya aprobacion di Gobierno pa bay door cu e proyecto di
landaanwinning, basta cu nan tene cuenta cu condicionnan cu nan a pone pa esaki.

APA semper ta tene na cuenta pa realiza proyectonan duradero y cu por tin menos
impacto posible riba nos medio ambiente.