Page 22 - EXTRA14NOV2015

22 Djasabra 14 Novèmber 2015

For di 2008 Kòrsou tambe tin su CliniClowns. E
payasonan ku nos ta hasi payasada, no ta nan tarea
pa e hende hari, pero nan ta konektá ku e hende i lag’é
sintié bon. Esaki Djasabra a komprondé di Marloes
van Rooijen i Yolanda Faneyt. Por sierto ku Yolanda ta
den e organisashon aki for di su nasementu na 2008.
CliniClowns no ta pa muchanan di den hospital so
manera hopi lo pensa, pero for di 2012 tambe ta asistí
serka nos grandinan, pa toka nan tambe.

Marloes a splika ku CliniClowns a lansa na 2008 for
di e organisá di Ulanda i nan kier a trese e konsepto aki
i AIC na Kòrsou a tum’é over. Marloes mes ta atendé ku
CliniClowns for di yanüari ultimo. Yolanda a bai mas den
detaye di e lantamentu di CliniClowns komo persona ku
tei for di su nasementu. El a bisa ku por a mira pòtrèt di
zusternan bisti na trahenan pa hala atenshon i
nan tabata entretené e muchanan pero nan
no por a hasi tur dos pareu, esta kuida e
muchanan i entretené nan. Titiana ku
ta kolaborador pedagógiko di hospital
a hasi e petishon pa CliniClwons i
Alternative Investment Company a karga e
proyekto aki.

Yolanda a konta ku e tabata na e
promé oudishon. Un grupo a bin di
Ulanda i tabata mas di 40 hende ku a
bai e oudishon pa skohe e CliniClowns.
Asina a keda baha di nan i a bai un siman
di entretenimentu. A terminá ku 4
clown ku a kuminsá na Hospital,
Pasadia i Verriet. CliniClowns aki ta
otro di Ulanda pasobra einan esun
di mucha ta apart for di esnan di hende
grandi. Kòrsou no ta grandi i p’esei
nan mester atende ku e mucha i hende
grandi. Esaki sinembargo tabata un reto i ku e
guia di Ulanda el a kana bon. 2 biaha pa aña ta
bin hende di Ulanda pa kapasitá nan i pa asina
nan a yega na un nivel ku nan ta.

Manera Marloes i Yolanda a splika, banda di e
muchanan, nan ta bai serka e hendenan desabilita
i hende grandi. Nan trabou ta, pa keda den e mundu
ku e persona ta. E forma ku e hende ta papia pero sin
hasi chèrchi. Nan no ta hasi payasada pero ta bai den e
mundu di e hende. I ku e reakshon ku nan ta haña, nan
ta aun mas konvensí ku esaki ta fasiná e hende i esaki
ta yena nan komo clowns un satisfakshon. E esfera ku
nan ta laga atras ta enorme.

Eksigensianan....
E eksigensianan pa bira un clown ta parti den 2.
E hende mester tin MBO pa traha i pensa i sobra nan
ta siña e pupilo pa Clwon pa drenta den e wega. I si e
persona tin un formashon teatral ta bai siñ’é kon pa
atendé ku e hende. E trabou ta hopi independiente. No
tin hende manera un shef ku ta wak bo. Clini Clowns
ta un trabou di loke bo ta sinti i trese. I si bo no trese
manera