Page 24 - EXTRA14NOV2015

24 Djasabra 14 Novèmber 2015

Bòltu e kònòpi....

Kon e clown ku tambe ta hende ta dil ku e situashon? Yolanda a
bisa ta kuestion di bòltu e kònòpi i esun ku no por hasié no por trah’é.
Ora nan bisti e nanishi nan ta bira e clown, mira, tende i papia komo
e clown. Nan no ta mira doló di e mucha pero ta wak kiko por hasi
komo fantasia. Tin situashon komo hende nan ta sintié i p’esei nan
komo kolega ta papia ku otro òf ku Titiana riba e kasonan. Semper
nan ta evaluá di e reakshon ku a haña serka e mucha.

Training....

Treining ta sosodé ku regularidat segun e splikashon di Yolanda i
Marloes. Nan a bisa ku kreatividat nan ta buska tur dia. E training ta
den man hopi biaha di Paula di CkiniClown Ulanda sigur 2 biaha pa
aña. Di aki serka John di Luna Blou nan ta wòrdu di trein. Banda
di esaki nan aki na Kòrsou tambe ta bai Ulanda i asta Sürnam
kaminda tambe tin e clownnan.

Yolanda ta konta ku di nada nan ta hasi algu. Eta korda
un biaha un mucha di St. Maarten den Hospital i kon
nan komo clown a subi riba mesa i a hasi manera
nan ta rema pa bai St. Maarten. Ta henter un kos
e situashon a bira, ku kantamentu i a logra los
e mucha kompleto.

Banda di habri e mucha, e clown
ta un terapia. Loke nan ta hasi ta
trese un kambio. Pa nan komo
clown tambe e ta un terapia. E mucha ku
ta sinta tristu den hospital i si e por pasa leuk, e
ta kambia henter e esfera di e mucha. I esaki e
clown ta hasi.

Finansiá...

Marloes a splika ku nan tin algun empresa manera BDO
i Refineria Isla ku ta kooperá tur aña i sobra ta bini di
komunidat mes. Nan tin hopi donateur kuminsando for di 5
florin pa luna pa asina nan por mantené e organisashon.
Tin tambe Guardian Group ku e kaminata ku ta kontribuí
ku CliniClowns. Marloes a splika ku nan ke yega na mas
Clown i mas aktividat. Tin kosnan ku nan ke hasi
aserka pero mester di mas hende pa hasié meskos ku
nan tin mas petishon pa bai instansianan pero nan no
por kumpli pasobra falta hende. Tambe mester di mas
fondo pa trein e clownnan.

CliniClowns tin e sena di benefisio ku kual nan ta rekoudá fondo.
Pero tambe segun Yolanda a splika tin fiesta di mucha kaminda
e hende ta pidi sèn pa hasi un donashon na CliniClowns. Tin
mas instansia ku ta hasi aktividat i loke nan rekoudá ta bai pa e
organisashon di CliniClowns. Por ehèmpel e hóben Kadir a kanta riba
barku i e sèn a bai pa e Clowns nan. Ultimo tempu tin hopi instansia
ta hasi esaki. CliniClowns ta satisfecho i ta yama Kòrsou danki pa tur
loke ta hasi pa esnan den nesesidat di un atenshon spesial.