Page 23 - EXTRA14NOV2015

Djasabra 14 Novèmber 2015 23

mester ta, e hende ta sintié. Pafó hende ta kere ku ta un
payaso pero e ta muchu mas intenso. E ta emoshonalmente,
enorme, pasobra mester paga tinu ku e esfera den e kamber,
mester tene kuenta ku den pareha nan komo clown ta traha,
mester wak si e mucha ta habri òf sera, mester konosé hende
i purba interpretá e sentimentu ku e mucha ta duna, mester
por konosé bo mes hopi bon. Komo clown hopi kos ta wòrdu
bisa i komo clown no por tum’é personal. Ta hopi kos nan tin
di paga tinu kuné, ora nan ta traha.

E clown....

Nan ta bisti pañanan otro for di normal pero no
manera un paña di payaso. E payaso di sirko ta
bisti sapatu grandi, paña i kara
pinta. Nan di CliniClowns ta
usa e nanishi kòrá i un
paña apart ku no ta un paña
grandi. E clown ta atendé ku su
propio ego i mas ekspresivo.
E mester ta konektá i habri
pa risibí i esei ta loke ta hasi
e trabou basta intensivo i
p’esei no por hasié fulltime.
E ta demasiado i ta hasi
algun dia pa siman. Nan
ta bai Habaai, Betesda,
Hugenhotsz, Verriet,
Pasadia, Dolfeintjes,
Hamiet, hospital. Tur
ta parti den un siman
i segun un skema.
Aktualmente tin 7
clown i semper ta 2 ta
traha huntu. E motibu ta
ku un di e palabrashonnan ta ku nan no
ta eksihí nada di e mucha. Meskos ku e payaso
di sirko tin di pone bu hari i p’esei e ta keda purba
miéntras un clown, ta loke e trese e momentu ei ta esei ta
konta. E no tin di keda te ora e mucha hari. Si e mucha a gusta
i nan a envolví den e wega, ta Bingo! Pero ta e dos clownnan
tin di hasi nan fantasia pa ta interesante pa esun ku ta wak.
Mester laga e proseso kana i laga e mucha pa e mes habri ku
e clown. Nan konsentrá ta e mucha i si e mucha no ke pa yega
serka nan no ta yega serka, si e mucha no ke duna man, nan
no ta fòrs’é pa duna man. Nan ta konsentrá riba nesesidat di
e mucha pasobra ta e mucha ta sentral.

Ora bai Hospital, nan ta wòrdu informá di e muchanan
drumi einan i loke nan komo clown mester sa, nan ta wòrdu
informá esei. Por ehèmpel si un mucha ta nuchter no por bai
papia kuné di komementu i di kentucky. Nan ta keda informá
si tin mucha ku nan por mishi kuné òf no. Tin ta na bentana
so por para serka na i hopi mas nan ta keda informá serka
Tatiana na Hospital.