Page 37 - HOSPITAAL

Alex Schwengle: Politiconan gañado di opocision ta hunga
politikeria riba sentimento di e muchanan cu a studia pa

dokter den region

Sunday, 25 June 2017 17:22
Comparti

Por a tende lider di MEP durante su conferencia di prensa cu na Corsou no tin problema cu hendenan ta
studia den region, pasobra nan ta yega y cuminsa traha, haya tur cos regla. Ta na Aruba so e problema ta.
El a papia cu coleganan na Corsou y a bise cu nan como Parlamento no por haci nada pasobra ta riba
nivel di Gobierno e ta wordo atendi. E ora el a bay Hulanda y dicidi di hink’e den e contexto di nivel di
Parlamento. Ta mustra cu como si fuera cu na Corsou por y na Aruba no por, segun lider di MEP.
Segun e minister, si el a papia cu Hulanda cu loke ta wordo haci na Aruba, ta loke ta make sense y no na
Corsou. Minister Schwengle a papia cu ministernan di St. Maarten y Corsou y ta pidi Aruba tur copia di e
ley di AruBig cu a wordo pasa, pasobra e por wordo regla.
Por a tende eyfo cu MEP por regle den 100 dia, e minister a comenta cu e por regl’e den un dia mes. Pero
e punto ta kico kier logra. Kier djis logra cu ken cu a studia unda cu ta por bin y ta firma pa tur traha? Si
esey ta loke kier, esey por regl’e. Ta forma un comision, ta cambia ley, ta tir’e e ley afo y traha un nobo y
ta bisa bijdeze, e “comision” ta benoem ken cu nan kier, uzando cua norma cu kier. Claro cu por regl’e
asina. Si ta esey kier, e minister por bisa y no ta dun’e e calidad cu kier.
E unico diferencia ta cu a bisa nan pending e AruBig. E minister no ta duna un MB mas si e persona tin
trabao. Ta nifica cu si un doño di trabao, hospital por ehempel, SvB, Medworks, ImSan, un dokter di cas
mes, un dentista ta bisa kier pa un colega bin traha y e ta para responsabel pe, nan ta haya un MB. No ta
asina cu muchanan cu a studia den region no ta haya den region. Varios ta haya nan MB tur aña firma pa
e minister. Varios cu a haya trabao via SVB y varios mas ainda a haya trabao na Medworks. Algun a haya
trabao na Directie Volksgezondheid y algun a haya trabao na ImSan.
Ta gañadonan grandi cu ta hunga politikeria riba sentimento riba e muchanan aki. E minister ta sinti nan
dolo, pasobra e tambe ta profesional. Por imagina cu a traha asina duro cu a haya un diploma y kier bin
cas bek. Esaki ta nan pais y nan kier eherce nan trabao. No ta cuestion cu no kier firma pa nan. Pero tin
un cierto necesidad na dokter na Aruba. No mester basis artsen na Aruba. Loke tin mester ta dokternan
specialisa den prome liña, of cierto specialistanan y ta cierto cuponan di trabao so tin. Dado momento no
tin mas trabao. Si tin por ehempel trabao pa 4 pa 5 oogarts y ta duna permiso pa 10 mas traha, loke ta
bay haya cu ta bay competi na un manera no corecto y ta end up haci cosnan pafo di nan potestad. Esaki
a yega di pasa den pasado caba. Otro paisnan a maak mee cu si no tin control di mercado di cuanto
specialista ta trata, ta bay haya practicanan clandestino y e practicanan aki ta unda cu e dokter, door cu e
tin tiki trabao, e no ta bay cumpli mas cu su normanan di calidad, pasobra por ta e no ta bay opera
suficiente.