Page 39 - HOSPITAAL

Anko Ringeling director di AZV: No ta cualkier tratamento cu
por wordo duna tin derecho riba dje

Sunday, 25 June 2017 16:59
Comparti

A tuma nota di kehonan y expression riba e forma cu AZV ta deal cu situacion di algun caso, caminda cu
no a duna splicacion riba dje. Manera e caso di Baby Lunah
, unda cu ta crea un hype rond cu AZV no kier yuda. Por a mira den corant tambe e caso di Natalie Lin
tambe cu AZV no ta yuda y pa yud’e haya fondo pa e busca su salud, pasobra esey ta salbacion pa su
problema. Awo con AZV ta deal cu e situacionnan aki.
Anko Ringeling, director di AZV a splica cu casualmente nan a haya e sentencia di LAR, cu ta e comision
cu unda bo por apela pa decisionnan cu AZV ta tuma. Den e caso di por ehempel Baby Lunah, nan a apela
tambe e decision cu a tuma di segun AZV no tabata tin motibo pa aproba e tratamento cu e mayornan
tabata kier. LAR, e comision a duna AZV rason. E no ta por nada, pasobra e no ta asina cu zomaar ta
tuma un decision asina. Pa cuminsa AZV no tin e experticio eynan. Cada bes, si mester tuma un decision
asina, ta acerca expertonan. E ley ta bisa cu e asegurado tin derecho riba e tratamento cu ta usual den e
profesion concerni. Es decir si por ehempel un tratamento pa un mucha manera Baby Lunah, mester
huzga si e tratamento, den e casi aki e tratamento cu e mayornan tabata desea, si e ta usual den e
profesion cu ta concerni e tratamento pa Baby Lunah.
Den un caso asina, ta acerca expertonan den exterior. Den e caso aki, di Hulanda, diferente clinica, na
Colombia y tambe na Merca. A base di tur e opinion di expertonan ey, ta yega na un conclusion. Den un
caso manera Baby Lunah, mester a saca e conclusion cu e tratamento cu e mayornan tabata desea pa
Baby Lunah, no tabata usual. Pesey AZV mester a rechas’e. Ta mesun cos pa hopi otro di caso.
E ta bay tambe pa e indicacion. Tin biaha ta cubri cierto tratamento, pero e ta depende di e indicacion cu
expertonan ta bisa cu e indicacionnan aki tratamento ta na su luga, ta usual, pero pa otro indicacion, otro
tipo di malesa, e no ta usual. En todo caso no usual ainda. E ora si expertonan ta bisa esey, pa AZV, tin cu
rechasa e tratamento eynan pa e indicacion cu expertonan ta bisa cu e no ta usual.
Na Hulanda tin un sistema di un zorginstituut, qualiteits instituut, ta un organo cu ta conseha Gobierno
di Hulanda, pa wak kico ta wordo cubri na Hulanda. Den esey, ta un pais no mucho grandi, si wak’e riba
escala mundial, pero ta hopi mas grandi cu Aruba, cu hopi mas recurso, pa haci nan investigacionnan pa
yega na cierto conclusion. Basicamente esey ta e referencia pa AZV. Si algo ta cay bao di e programa di
Hulanda, pasobra nan tambe nan tin un tipo di AZV, e ora eynan nan tambe ta sigui esey. Eynan por wak
cu nan tin e mesun sistema di huzga si cierto cosnan ta wordo cubri door di nan AZV, manera di bisa y
mayoria di bes ta esey AZV mes ta sigui tambe.
Esey ta loke nan tin cu compronde cu e ley di AZV ta defini kico e derechonan ta, kico ta wordo cubi door
di AZV. Esun cu a traha e ley, wetgeving, no por nada a pone cu pa medio di specialistische hulp,
specialmente, wat gebruikelijk is in het beroepsgroep. Locual ta usual den e profesion concerni. E no ta
asina cu cualkier tratamento cu por wordo duna tin derecho riba dje. E mester ta usual. Mester traduci’e
cu tin den e profesion, suficiente concensus, base, investigacion, cu tal tratamento por tin su efecto desea
y cu e grupo di profesional concerni ta acepta esey como un tratamento adecua pa tal indicacion of tal
malesa. Tin biaha esey no ta e caso, manera por ehempel pa Baby Lunah.