Page 44 - HOSPITAAL

Si tin un overcapacity di 10 pa 20% di sala di operacion por
negosh’e dentro di turismo medico

Sunday, 25 June 2017 17:01
Comparti

E intencion ta pa Aruba promove turismo medico. E pregunta ta con esaki ta bay ta hinca den otro.
Minister di Salubridad, dr. Alex Schwengle, a splica cu na momento cu ta cla cu inversionnan
infrastructural
, e ora por bay calcula kico ta e overcapacity. Ta bay tin un overcapacity den OK y tambe ta biniendo cu
radiotherapia, caminda cu por bay tin overcapacity. Si ta 10 pa 20%, esaki por negosh’e cu otro islanan,
por ehempel Corsou, Boneiro of miho bisa BES. Specificamente cu ImSan via Baptist.
Si tin un overcapacity di 10 pa 20% di sala di operacion por bisa cu por bende, via Baptist, cu turistanan.
Turistanan ta bin Aruba cu vakantie, pero alabes nan por haci un operacion di wowo, por ta pa mita prijs
y si ta JCI Approved, cual ta necesario, e ora e seguro probablemente lo ta dispuesto, via un partner
manera Baptist, pa paga tur nan gasto aki. E ora no ta gana suficiente placa, pero loke ta bay logra cu
esaki ta pa cubri gasto. Esey ta nifica cu e gastonan cu pueblo mester cover, ta wordo haci parcialmente
pa turismo medico.
A dura?
Minister Schwengle a splica cu parcialmente tin medical tourism cu ta ongoing, pero riba escala chikito.
Por ehempel tin clientenan di Boneiro ta haciendo uzo di facilidadnan na Aruba of nan ta bin opera aki
na Aruba y esey caba ta crea por ehempel un surplus di casi 200 miyon pa hospital. Riba e begroting di
160 miyon, esaki no ta mustra hopi, pero toch ta basta cen. Aruba tin e potencial di crea mas placa ainda.
Imagina si por logra crea un extra begroting di 50 miyon. Esey ta nifica cu no ta bay cort’e for di
verzorging, pero toch por haci un palabracion di con pa uza e placa. Si por stabilisa e crecementonan di
impuesto riba pueblo pa hopi aña, esey sigur ta algo cu mester haci. E tardansa tin di haber cu mester tin
e bon facilidadnan, segun e normanan internacional, sino no por garantisa e ora e calidad cu e partner
kier cumpli cun’e, haciendo e inversionnan y infrastructura ta tarda. No ta crea cierto facilidadnan
facilmente. Kier a haci feasability studies tambe. Por ehempel cardio interventie, kier a bin cu esaki pa
hopi tempo caba. Door di bo investigacion berdad ta make sens pa haci’e. Imagina ta yega haci un cos y
dj’ey el a salibo dos biaha mas caro na luga di manda e persona por ehempel Colombia.
Mester ta sigur cu e inversionnan cu ta wordo haci ta make sense. Den radioterapia a haci un
investigacion y sa cu e ta bay ta un breakeven at least. Si bin medical tourism acerca lo bay tin ganashi,
den sentido di baha gasto y pa cardio interventie (cataretisacion), esey sa caba cu sigur e lo bay trece
ganashi pa pais Aruba.