Page 45 - HOSPITAAL

Ta importante pa un pashent haya informacion con nan por
uza nan remedi

Sunday, 25 June 2017 17:17
Comparti

Mylene Bernadina, Apotheker, di e asociacion di boticarionan, a splica durante un conferencia na AZV,
riba e importancia di duna informacion na e pashent pa e uza esaki den un forma conciente.
E pashent ta haya remedi pa un luna pa asina garantisa cu e remedi ta traha corectamente. Si e remedi
caduca mester trece esaki botica pa e wordo deshaci. Remedi benta con cu ta por causa cu mucha of otro
hende por uza remedi caduca y trece peliger.
Bernadina a splica cu e 1ste uitgifte project ta un colaboracion di AZV y VAA, esta Verening van
Apothekers op Aruba. 1ste uitgifte ta ora cu un pashent ta haya e remedi pa prome biaha. E ta haya un
splicacion con e remedi ta traha, con tin cu uze y tambe riba efectonan secundario.
Esaki ta yama e 1ste uitgifte gesprek. E meta di e eerste uitgifte gesprek ta pa e pashent haya suficiente
informacion pa asina e por uza su remedi safe y corectamente. Banda di esey ta importante pa no dispidi
e remedi. E pashent lo ricibi e remedi pa un luna, manera ya indica, pa wak con e curpa ta reacciona cu e
remedi.
Si e pashent bay bon cu e remedi, e por sigui cu su tratamento. Awor aki e pashentnan ta ricibi e remedi
pa tres luna, e por pasa cu e dosis por subi of baha, of e remedi no ta bay bon om cu e pashent, cual ta
haci cu e mester stop cu e remedi. E remedinan ta wordo dispidi. Si e remedinan caduca, e ora tin cu
trece nan botica y nan mes lo percura pa deshaci di e boticanan. Muchanan por gewoon coba den bari di
sushi y tuma remedinan cu ta caduca, of cu no ta bon mas y esaki por trece peliger pa e persona mes,
manera cu nos a menciona anteriormente den e articulo aki.