Page 41 - HOSPITAAL

Anko Ringeling: Remedi of tratamentonan cu no tin
suficiente evidencia cu ta duna un efecto desea, no ta wordo

cubri

Sunday, 25 June 2017 17:07
Comparti

AZV ta analisa situacionnan den exterior si ta necesario pa por yuda un hende. Anko Ringeling, director
di aZV, tin cu haci un distincion den paisnan cu ta depende di nan
, pa nan sistema di seguro medico cu ta mas tanto basa riba un sistema priva, comercial, manera Merca.
Na Merca, si bo tin placa, bo por haya cualkier tratamento. Bo ta paga e dokter of hospital y bo ta haya e
tratamento. Den e otro tipo di sistema manera Aruba tin, manera Canada tin, manera Ingaltera tin,
manera mayoria di paisnan den Europa Occidental tin, ta un sistema, unda Gobierno mester dicidi kico e
sistema colectivo ey ta bay cubri. Den paisnan mas grandi cu nos, manera por ehempel Hulanda, pero bo
ta haya mesun cos na Inglatera, Canada, e ora tin cierto mecanismo pa duna conseho na Gobierno pa wak
kico ta wordo cubri. Specialmente sea tratamentonan nobo, experimental ainda of otro gran discusion
tambe, ta remedinan caro, of remedinan pa trata por ehempel cancer, of pa cierto malesanan cu ta hopi
unico.
E ora nan tin un cierto sistema, cu a base di investigacion cu nan por haci den e paisnan mas grandi, nan
por duna un conseho si e ta suficiente evidence based cu e remedi ey of e tratamento ta bay duna e efecto
cu ta desea.
Na Aruba nos no tin e recurso eigenlijk pa bo por mantene un mecanismo asina. Nos ta un pais den e
sentido ey, mas limita. Nos no tin un universidadnan, nos no tin institutonan di investigacion, tipo di
cosnan asina. E ora eynan mester referi bo mes na un pais cu si tin e mecanismo eynan y cu bo ta haya cu
nan calidad di cuido medico ta suficiente halto tambe. Ta pesey a referi, den reino Hulandes, mayoria di
biaha na locual Hulanda tin. E pakete cu Hulanda tin, den su AZV, pasobra nan tin un sistema parecido,
ta referi na esey. Esaki ta pasobra pa determina kico ta cay bao di e sistema ey, e pakete eynan, nan tin
diferente mecanismo pa investiga bon kico ta e remedinan por ehempel of tratamento cu ta duna e
efectonan desea pa e por wordo cubri. Otro remedi of otro tratamento cu no tin suficiente evidencia cu
nan ta duna e efecto desea, no ta wordo cubri. Mayoria di biaha ta esey AZV ta sigui y tuma como
referencia.