Page 3 - Djaluna 9 aprel 2018.pdf

Djaluna 9 Aprel 2018 3

Kontinuashon di pagina 2
A kita blokeo di frontera
haltu entre Aruba,
Kòrsou i Venezuela pa
negoshá entre mihó
kontròl di merkansia ku
ta ser transportá entre e
islanan. Tur produkto for
di Venezuela mester tin
sertifikado di orígen. Pronto
lo tin un reunion entre
duana di e paisnan pa hasi
sobrá palabrashon.
Minister-presidente
di Kòrsou Eugene
Rhuggenaath a deklará di ta
kontentu ku e esfuersonan
ku a hasi konhunto a duna
su fruta: ‘E último lunanan
aki nos a keda den estrecho
kontakto ku Kònsùl General
di Venezuela na Kòrsou pa
sigui buta preshon i eksigí
pa kita e medida. Mi mes
persona tambe tabatin
kontakto ku Minister di
Relashonnan di Eksterior
di Venezuela pa yega na un
aserkamentu.
Huntu ku Aruba i
Ministerio di Relashonnan
di Eksterior di Reino
Ulandes diferente
kombersashon na nivel altu
tabata tuma lugá pa logra
firma e akuerdo manera
negoshá dor di Minister
di Hustisia i Minister di
Finansa di Kòrsou na Aruba.
Nos a logra nos meta.’
E siman aki diferente
departamento di Gobièrnu
di Kòrsou lo bini huntu pa
hasi e trámitenan nesesario
pa prepará pa e apertura di
frontera.
Esaki ta nifiká tambe
si ku lo rekerí di Venezuela
tambe ku tur persona i
merkansia tin un pèrmit
legal pa drenta Kòrsou.