Page 4 - HOH

PAGINA 8 DIARIO DIASABRA 15 OCTOBER 2022
Minister Presidente cu bunita palabra pa Myandra Croes:
Durante anochi di

concientizacion riba cancer

di pecho a para keto riba

“metastatic breast kanker”

ORANJESTAD (AAN) – Durante su discurso relaciona
cu e ceremonia di cendemento di luz na Bestuurskantoor,
como signo di concientizacion riba cancer di pecho,
Minister Presidente a agrega cu e anochi aki nan ta para
keto pa enfatiza riba e “metastatic breast kanker”.
Pues, e cancer metastatic cu ya a plama den e curpa.
El a subraya cu na Aruba tin pashentnan cu ta pasando
door di e dificultad aki, y unda di nan ta Myandra
Croes, un luchado cu hopi curashi y determinacion. E
dignatario a expresa pa tur ciudadano cu ta pansando
den un situacion asina, cu gobierno ta cu nan.
“Y nos ta tene boso den pensamento y den oracion.
Y bosonan tin hopi hende rond di boso cu ta stima y
sostene boso, y mi ta sigur cu boso lo logra den e lucha
akinan. Pa boso awe, gobierno di Aruba ta uni den e
concientizacion aki, pa nos pone extra atencion na nos
hendenan muher pa nan cuida nan salud”, Minister
Presidente a acentua.
Seguidamente a ilumina dilanti Bestuurskantoor, cu e
luznan color rose, til y berde cu ta e tres colornan cu ta
identifica cancer metastatic.
Minister Presidente a menciona cu e resto di e luna aki,
e luznan ta keda na color rose na honor di esnan cu ta
luchando cu cancer di pecho.
“Ban cuida nos mes, ban controla nos mes mas
frecuente, ban hacie pasobra nos ta stima nos mes, nos
famia, y nos kier tey hopi tempo mas cu nos famia”,
Premier Wever-Croes a conclui.